2054208194886930964305459023536687124329124620425345324432245227212526005525430010231005910972575227800005423858567245242500231905922702611555

1/05/2019

سنة سعيدة


سنة سعيدة


بقلمي /
  أحمد عثمان توفيق 

وخلصت سنه من عمرنا
وجايه سنه بندعي تضحك لنا
وتلم تاني شملنا
وننسى الهموم
وترجع في يوم
الضحكه تملا حينا
ياسنه وعدت زي ماعدت
بحلوها وبمرها
فيها يوم حزين
فيها يوم جميل
وكله بيعدي من عمرنا
اشتقنا والله للمه حلوه
بين الحبايب والصحاب
نتلم حوالين بعضنا
نضحك سوى نبكي سوى
نشارك تاني بعضنا
في فرحنا وف حزننا
وندعي دايما رب البريه
يسترها معانا كلنا
وتعيش بلادنا
ويعيش ولادنا
ويرجع شبابنا
يبنيها تاني ويرجع شوادر فرحنا
وتنتهي من قواميسنا
كل اللي كان سبب ف همنا
وعيشتنا تبقى عيشه هنيه
والكل يحمد ربنا
يارب دايما
احمي ولادنا
احمي بلادنا
وتعيشي يامصر ياأمنا
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين