2054208194886930964305459023536687124329124620425345324432245227212526005525430010231005910972575227800005423858567245242500231905922702611555

أنتي والحياة

1/08/2019

شهيد الوطن ٢٠١٩


شهيد الوطن ٢٠١٩



الرائد الشهيد مصطفى عبيد
قصيدة للشاعر الدكتورمحمد ضباشه/مصر
----------
خونة وربى مش بشر
ولا مزروعين حفنة ضمير
ليلهم علينا كان قدر
ما نضح فى بلدنا خير
قلبى عليك يا بنى إتفطر
والدمعة نازله زى طير
حامله على أكتافها الشهيد
اللى إتقتل بإيدين ضرير
ويا دقنون ساجده لشيطان
والمسبحة تسبح دولار
هان عليكوا القتل هان
وأنتوا ألعن من التتار
جنة أيه اللى تشوفوها
وأنتوا ناوين تهدموها
وربى ما تعرفوها
ولا بتسجدوا لاله قدير
مش هيدى القحف عدله
وهتهربوا زى الفيران
والشهيد راضى بقدره
مات بطل ولا عاش جبان
يكفى أنه فدا أهله
ما هو زيكم هيموت بجهله
شال بلد على كف ضهره
وما رضى يموت حقير
يا بلد إعدمى رموزهم
كفاية محاكمة من سنين
دول ساقونا قهر كوزهم
حبة دم وحبة طين
ما فينا شيء يعوزهم
وهم لنا ضالين
أنتوا فين يا أهل العدالة
لسه عاوزين الدليل
السنين بتمر تجرى
وبيقتلوا فينا الحياة
ليه ما كانش قصاص وبدرى
كان يبقى طوق نجاة
يا بلدنا كفاية أه
قومى شوفى مين رعاه
واللى مول واللى خطط
يقتلنا فى عز ليل
مستحيل الدمعة تكفى
وكل يوم ندفن شهيد
لو قطعتى رقاب ما يشفى
دم يغلى فى الوريد
والنهار على طول بيبكى
على اللى منا فى عزه راح
ليه ياربى تملى نشكى
من المحبة ومن السماح
نام بنى خلاص إرتاح
لازم يدوقوا عذاب وويل
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين