2054208194886930964305459023536687124329124620425345324432245227212526005525430010231005910972575227800005423858567245242500231905922702611555

5/13/2019

اللينزا


اللينزا

مقدمة من مروة كمال

المقادير

كوب ونص دقيق
كوب جوز هند ناعم
كوب زبدة طرية بدرجه حرارة المطبخ
كوب سكر بودره
٢ بيضة
بيضة كمان للطبقه اللي فوق
فانيليا
رشه ملح
معلقه خل
ربع معلقه صغيره بيكنج بودر(هي من غير بودر اصلا بس انا ضيفت ربع معلقه صغيره)


وهنحتاج مهلبيه تقيله ومن غير سكر (كوب ونص لبن حليب او كوب لبن ونص كوب كريمه وعليهم معلقتين ونص كبار نشا وممكن نضيف معلقه كريم شانتيه او معلقه بودره سوبيا تدي طعم نخلطهم كلهم علي البارد ونرفعهم علي النار مع التقليب لحد ما تتخن ونسيبها تبرد)

وهنحتاج شربات خفيف ساخن عباره عن كوب سكر مع كوب ماء وعصره ليمون

الطريقة

الزبدة الطرية مع السكر البودره نضربها بمضرب البيض لحد ما يفتح اللون
نضيف بيضتين واحده بواحده مع استمرار الضرب 
نضيف الفانيليا ورشة ملح والخل
نضيف الدقيق وجوز الهند وبيكنج بودر ونخلطهم هتتكون عجينة ملزقة
في صينيه ندهنها زيت خفيف
نضع ٣/٤ العجينه ونفردها ونرفعها من الاطراف ( ندهن الايد بالزيت عشان نعرف نفرد العجينه)
نضع المهلبية التقيلة ونوزعها على العجينة
باقي العجينه هنضيف عليه بيضه كمان ونخلطها ونحطها في اي كيس من اكياس التلاجه ونقطع طرف الكيس بالمقص
وعلي وش المهلبيه نعمل اي خطوط بالعجينه بس تكون الخطوط بعيد عن بعضها عشان بتنفش في السوي
نزينها بالكريز لو موجود 
وممكن تعملي خطوط متداخله زي الباستا فلورا

ندخلها الفرن علي ١٨٠ درجه لمده ٢٠ او ٢٥ دقيقه لحد ما تحمر الجوانب ونحمر الوجه تحت الشوايه واول ما تطلع من الفرن وهي سخنه نسقيها بالشربات السخن 
وندخلها الفرن المطفي تاني عشان السخونيه تخليها تتشرب الشربات
التعليقات
0 التعليقات

كافة الحقوق محفوظةلـ سحر الحياة 2016
تصميم : أر كودر I تعديل: حنين