سر الطبخةعام

طريقه بسيطه لعمل صنية البطاطس بالدجاج

الموضوع ده فقط للى مبيحبوش صنية البطاطس بالصلصة شوفوا الطريقة دى
من صديق سحر الحياه عمر أشرف

اشتروا الحاجات دى من عند العطار و تعالوا يلا


ثوم بودرة – توابل تبديل فراخ – ماجى – ملح – فلفل اسود – زعتر – كمون – حبهان – كسبرة 

و اشتروا الحاجات دى من عند بتاع الخضار يلا لو سمحتوا 
كيلو بطاطس – كيلو طماطم – فلفل رومى اخضر – نص كيلو بصل – 7 فصوص توم متوسطين الحجم 
دى المكونات تعالوا نشتغل بقى ..
نجيب صنية و نقطع البطل و البطاطس و الفلفل الرومى دواير 
و نجيب 2 طماطم و نقطعهم دواير برضوا 
و نرصهم فى الصنية بشكل بطاطس ، بصل ، فلفل رومى و بعدين طماطم على الوش و نقطع عليهم فصين ثوم و نوزعهم 
تعالوا بقى للمهم >> 
نجيب الفراخ و نغسلها و بعدين نجيب حلة و نحط فيها مية و نحط فيها 
فصين ثوم مهروسين
مكعب ماجى 
ملح 
توابل تدبيل الفراخ معلقة صغيرة 
كزبرة معلقة صغيرة 
زعتر (نص معلقة شاى) 
حبهان 
بصلة مفرومة كبيرة نسيب كل ده يغلى مع بعضة شوية حلوين و بعدين نحط معاهم الفراخ لغاية لما تلافى الفراخ ابتدى لونها يتغير طلعيها و قطعيها و سيبيها على جنب 
نيجى بقى للطماطم حطيها فى الخلاط و حطى عليهم بصلة و شوية ملح حوالى معلقة و نص و اضربيهم لغاية لما يبقى عصير ناعم حطي العصير ده على البطاطس و هيتبقى شوية فى الخلاط حطى شوية مية و نزلى الباقى فى الصنية و بعدين ايه بقى هزى الصنية شوية عشان الطماطم تنزل تحت البطاطس حطى من فوق باقى الحلقات من الفلفل الرومى “لو باقى” و شوية توابل تدبيلة الفراخ و شوية زعتر و حطيهم على النار بس حطى صاجة من تحت شوية و حطى من الشوربة الى عملتيها مغرفتين كبار على البطاطس و هى على النار و لما تتسبك كويس حطى مغرفة كمان و دخليها الفرن تحت الشواية لمده 15 دقيقة عشان تاخد وش غامق طعمه حلو اوى و طلعيها و قدمى و بالهنا و الشفا 
و لو هتسالى هتعملى ايه فى الفراخ شوفى المقال الى بعده >>>

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: