بقلم: شريف الهمامى
وانا البحار من غير مرسى
وانا التايه ولكنى عمرى ماأنسى
وانا المولود ع ايديكى يادوب من لمسه
ياام العيون ليل
نوريلى سراديبى
دا انا قلبى شاف الويل
اوعى تخافى تناديلى
ياام العيون فرحه
صبّرى قلبى الموجوع
ياعروسه لابسه الطرحه
انا كل مااشبع منك أجوع
ياام العيون سهرايه
شاقه قلبى نهار
ياشجره فى شمسايه
بتحمينى من الانتظار
ياام العيون علامات
دلينى على طريقى
دا انا قلبى عدى مسافات
فبّلى ف يوم ريقى
فاانا البحار من غير مرسى
وانا التايه ولكنى عمرى ماانسى
انك ليا الشراع والمركبه والمرسى..
