عام

الأصول متزعلش. 


الأصول متزعلش. 

بريد القراء أعداد: هويدا صابر. 
الخصوصية مطلوبة ومهمه في بيوتنا ، وأنك تعمل حدود معينه داخل بيتك دا مش تخلف ولا رجعيه ، التخلف والرجعيه هي أنك تسيب بيتك سداح مداح مالكش مبرر في دا كأب أو أخ أو زوج أو أبن أصحابكم بره بيوتكم أو زياره ساعه وخلصنا ، أحترم نساء بيتك سواء محجبه أو غير محجبه بيتها مملكتها وفيه حريتها وراحتها ، وأتبع الأصول دي الأصول متزعلش حد.
ودي مشكلة السائلة ن ب:
أنا مش عندي مشكله بس أنا حاسه بشعور بالأشمئزاز والخنقه أنا أنسه عندي 28 سنة عندي أخ واختين غيري ، مشكلتي انا وأخواتي البنات ، كل ما نسافر عشان نصيف ونقضي وقت لطيف انا وأبويه وأمي واخواتي وأولاد أخويه ومراته ، ونكون علي حريتنا أخويه يجيب معاه صاحبه الأنتيم ومراته معانا وكلنا في مكان واحد ، المحجبه فينا طول النهار لابسه لبس كامل وأللي مش محجبه بردوا لبسها كأنها نازله مافيش حريه ، زودي بقي أن صاحب أخويه جرئ ومعندوش أي حرمه للبيوت وبصبصه ويعدي يخبط فيه أو في اي واحده من أخواتي دا غير أن فجأه تلاقي واحد واقف وراكي ومقرب منك ، أما الصدمه الكبيره أي واحده فينا تكون في الحمام تتفجأ بحد بيحاول يفتح الباب عليها وطبعا الحمدلله بيكون متربس من جوه وعرفنا بعد كده أن هو أللي بيعمل دا ، واحده من أخواتي شافته وقالتله مش تخبط وبعدين مافي حمام تاني قريب من أوضتك ، اتكلمت مع بابا وماما أننا مش واخدين حريتنا كلموا اخويه وقالوله فرد أعمل ايه أنا ولد وحيد أيه المشكله ان صاحبي يكون معايه ، مع العلم أن مرات أخويه أتكلمت معاه أكتر من مره وقالتله أننا كلنا مش واخدين حريتنا وبيكون نفس الرد منه أعملكم أيه انا عايز صاحبي معايه ، أنا عايزه اقولهم بصراحه كده بس خايفه من المشاكل أيه رأيك.
السائلة الكريمة:
 ليه تخافي تتكلمي وخصوصا انك مش لوحدك معاكي أخواتك البنات ، وبعدين تخافي ليه وهو مخافش ربنا ولا راعي حرمة بيت صاحبه ، والغريبه ان صاحب أخوكي معاه مراته وكان ممكن تشوفه زي أختك ماشافته وهو بيحاول يفتح باب الحمام ، للأسف أخوكي مش فارق معاه والأب والأم كمان كان لازم يقولوا عندنا بنات تاخد حريتها في بيتها ، مش يجيبوا البنزين جنب النار ، وبردوا زوجة صاحب أخوكي أزاي تقبل علي نفسها تطلع مع زوجها في مكان فيه بنات وعارفه أن وجوده هيكون مقيد حريتهم ، كان لازم تحترم دا وتكون هي وزوجها معاكم في المصيف لكن في سكن أخر وتتقابلوا الصبح أو بليل ، للأسف عدت علي الكل ، ومشكلتك فكرتني بموقف أب سافر هو وبناته ومراته شقتهم في أسكندريه يومين وزارهم أخت مراته وأولادها الشباب الاربعه منهم واحد متزوج ، وعايزين يباتوا معاهم في الشقه الأب في صمت نزل حجز شقه قريبه منهم وطلع أداهم المفتاح وقال الشباب يروح هناك يبات ويقضي اليوم ووقت الغدا تعالوا بما فيهم الشاب المتجوز ، وزوجة الرجل أيدته في قراره ورغم أن اختها أضايقت وزوجة أبنها وقالت دا يوم في أيه هما ولادي هياكلوا بناتك ، الأم قالتلها الأصول متزعلش وابونا الله يرحمه كان بيعمل أكتر من كده ومربينا علي الاصول ، ربنا حفظكم وسترها معاكم أتكلموا وخدوا موقف ويكون رد فعلكم مش هنسافر لو كان أخويه معاه صاحبه بكل أدب واحترام مع الأب والأم توصلوا موقفكم ، وربنا يحفظكم ويحفظنا جميعا من أشباه الرجال.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: