عاممقالات

في وسط الدوشة والزحمة


بقلم: هند
في وسط الدوشة والزحمة والتوهان والشد والجذب والكلام الكتير والمجادلات والصوت العالي .
لقيت حاجة بتقولي بس!كفاية
لقيتني محتاجة اخد هدنة مع نفسي وافكر وأسأل. 
ياترى انا ماشية في طريقي تمام ؟ماشية صح؟ 
ياترى انا بقوم بدوري كأم صح؟ دوري ك زوجة؟ ك اخت ؟ك ابنة ؟ك صديقة؟ 
ياترى طريقة تعاملي مع الناس صح.؟ 
طريقة تفكيري ؟ 
هل ياترى أخلاقي اتغيرت؟ 
مبادءي اتبدلت؟ طباعي اتلونت ؟ 
عقلي مليان ومشغول ب إيه؟ 
ايه اللي بيسكن قلبي ؟ 
ياترى انا اتغيرت ولا لسة زي ماانا ؟ولو اتغيرت للأحسن ولا للاسوء ؟ 
والسؤال الاهم ** 
بقوم بدوري ك عبدة لله خلقها وعليها مسؤليات في الحياة؟ 
ياترى ..مكانة ربنا في قلبي شكلها ايه ؟ 
والسؤال دة مهم اوي نعرف اجابته..ليه بقى؟ 
لانه على أساسه انا حعرف مكانتي ايه عند رب العالمين . 
هل انابعيدة ؟قريبة؟منسية؟ 
اناعارفة انها أسئلة كتير جدا بس حقيقي لقيتها أسئلة بتفرض نفسها عشان تعرف مكانك ومكانتك وتقييم أسلوب حياتك وتفكيرك في الحياة. 
حقيقي الواحد ساعات الدنيا بتشده لدوامتها ودة طبيعي في الزمن والوقت دة تحديدا . 
بس ماينفعش اسيب نفسي لتيار الهوا يطيرني زي مايحب ووقت مايحب. 
لازم يبقى في مقاومة .والمقاومة مش بس ضد تيار الدنيا لا لا . 
دة الأهم منه تيار رغبات الانسان اللي ممكن تكون عكس الصح وعكس الطريق والتيار دة جااااامح لو مااتحكمناش فيه وممكن يودينا ورا الشمس. 
حسيت ان الوقت بيجري والعمر قصير وله اخر 
ولابد من وقفة مع النفس وابتدي أقيم واشوف 
*علاقتي برب العالمين 
*أولويات حياتي شكلها ايه 
*العلاقات الانسانية بيني وبين البشر اكيد عايزة فرز من تاني وبشدة. 
*اهتمامي بنفسي عشان اقدر اكمل المشوار 
*علاقتي باقرب الناس ليا 
*افكاري معتقداتي مبادءي 
*طموحي 
اكيد في حاجات اكتر محتاجة من كل واحد فينا إعادة تفكير . 
قبل الوقت مايعدي ويفوت واحنا مش حاسين وتقول ياخسارة. 
خليك إيجابي وانتقد نفسك عشان خاطر نفسك 
والكلام دة موجه ليا اولا واي إنسان يحس أنه محتاج يشوف نفسه من جوة ويصلحها قبل فوات الأوان. 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: