شعر وحكاياتعام

قصاقيص


بقلم الشاعر/الشربينى محمودالرفاعى
قصاقيص
الاولى
مشكلتى إنك قمر
علم عيونى السهر
وعشقت ضيك ونورك
كإنه نورالفجر
والله صوتك ف سمعى
كإنه.رنة وتر
كإنه بلبل وزقزق
فوق الغصون والشجر
والله حبك ف قلبى
اصبح مشيئه وقدر
الثانيه
وحياة الحب اللى ف قلبى
لازرعلك كل الارض زهور
واخللى الضلمه ف ليلك نور
واغنى عشانك زى الطير
واشيلك فوق جناحاتى واطير
واحلم بجمالك ليل ونهار
الثالثه
ياوردة صغيره حلوه
ف بستان الامل طارحه
يااجمل من صدى 
غنوةامل سارحه
يااجمل صوره مرسومه
على صدر الزمن فرحه
وحشنى نظرتك ليا
وحشنى لمحه من ضيك 
انا والله مشتاقلك
بعيده وقلبى انا شايفك
الرابعه
سهران…وسهرت النجوم
ويايا فى عز النهار
والقلب مليان بالهموم
وعيونى مللت الإنتظار
بينى وبين الدنيا إيه
وگإن ليها عندى تار
وعيون حبيبتى نجمتين
ومنورين ضله وخضار
اسأل عليكى مين وفين
ياشمس فى عزالنهار
الخامسه
بصي هناك عندالقمر
بصي ياروحى ودققى
هتلاقى قلبى منتظر
نظرة عنيكى…..تصدقى
السادسه
اهواك…..لكن قررت انساك
وانسى الايام وياك
ياحارمنى حتى النظره
ودايما مدينى قفاك
إهرب من قلبى وضيع
يعنى انا برضه هبيع
فاكرنى هترجاك
لأ….دا انا انعور واليط
هنسى وهطنش حبك
وهقولك….طظين فيك
السابعه
همشى واسيبك
يمكن تعرف
إن مفيش غيرى
بيهواك
وهقول لقلبى
يتوب عن قلبك
وهعلمه ازاى بنساك
هبعد وشوف غيرى يحبك
ونشوف هيعمل ايه وياك

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock