شعر وحكاياتعام
إنتى الحنان
طارق العمري
عشقك دا ضعفى و قِوِتِى
و هواكى جَلَدِى و إنكسارى
و الوعد صبرى و سَلْوِتى
و الشوق هزيمتى و إنتصارى
و إنتى الحنين
اللى بيملا العين دموع
إنتى الحنان
اللي جابرنى ع الرجوع
إنتى النصيب
اللى كأنه من إختيارى
إنتى العلامات ع الخدود
إنتى الوجود
إنتى جميع الأسئلة و الأجوبة
و إنتى الردود
تفضحنى مهما حاولت أدارى
إنتى الأمَلْ
و إنتى العذاب المُحتَمَلْ
لُب اليقين اللي إختمر
و طرح شعورى اللى إكتَمَلْ
و صنع قرارى
إنتى السنين الفرحانين
و طريق واخدنى من الإيدين
و الشمس و القمر اللي
بيشاغلوا العنين
و بيضووا ليلى أو نهارى
مدير قسم الأدب والشعر
علا السنجري