شعر وحكايات

“ختيار” بقلم الشاعرة / سهام خير بك

صار العمر ختيار

مش فارق معو

ظلام الليالي

وطولها

من ضوء النهار

صار العمر ختيار

وسافرو صحابو

جبرو القدر

ليودع حبابو

ومرسال جايي

من ورا الغيمات

محمل حكي وأسرار

يدقدق على بوابو

قللو حلك بقا

ياهالختيار

تمشي معي مشوار

صرت بخريفك

ماعاد يشعشع

بعتمتك نوار

صار العمر ختيار

على غفلة من البشر

بتصفر وتيبس

مثل وراق الشجر

صار العمر ختيار

وماعاد الك ترحال

غير الرحلة الاخيرة

متل اللي قبلك

كانوا بهالدني

زوار….. ياختيار.

إقرأ المزيد طاعنة في الهموم

قصةهوى

يوميات علي وناي ” المقتطف الأخير “

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock