شعر وحكاياتعام

زوجتى الحبيبه

عماد الدين علي
بصيتى فى عنيا
نظره … بتطبطب عليا
وقولتى
– مش مهم
والغريبه ..
انى بصرخ فيكى لما
تشتكى من اى هم
وانى بقسى
وانى بنسى
ان قلبك مش خشب
دا روح ودم
– مش معايا
– مش مهم
كل مره نفس ردك
تمسحى دمعك لو انه
ساب اثر فى نص خدك
– اوعى تزعل
رغم انى مش مكفى
خايفه لازعل
تمدحينى ف عز ضعفى
لحد ما اخجل
توصفينى بالشهامه
توصلينى بالسلامه
تفرشى الدعوه غمامه
فوق جبينى
وتواسينى
تقلعى حلقك بضحكه
زى ما لبستيه بضحكه
– يلا بيعه
واما ابيعه … تفرحى
تسهرى الليل تشرحى
يلا ندفع دين فلان
واشترى لشعرك دهان
واشترى قمصين عشان
لما تقعد وسط قعده
تكون قيامه
ولو فيه حاجه يعنى فضلت
اشترى لى معاك بجامه
– مش معايا
– مش مهم
مدير قسم الأدب والشعر

علا السنجري


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: