حياة الفنانينعام

مروة البغدادي: مريت بمزيج من الألم والاحباط لكن عمري ما يأست وكنت أتمني أكون عازفه للموسيقي


حاورها :مها نور




مروة البغدادي نجمة تتلألأ في سماء الوطن العربي والعالم الاوربي سيدة من فولاذ لا تعرف معني للهزمة او الضعف او الإنكسار محاربة وسط عالم ملئ بالصراعات “مجلة سحر الحياة” قررت ان تغوص في اعماق الفنانة ومصممة الأزياء المتميزة مروه البغدادي للنتعرف معا علي عالمها الخاص وتفتح قلبها لكل محبينها عن قرب فهيا بنا إلي عالم ملئ بالصراحة والصدق والقوة والتميز عالم مروة البغدادي






،استاذة مروه ممكن نعرف حبك لتصميم الازياء بداء امتي؟ 



،،حبي للأزياء بدا منذ الصغر لما كنت اجيب ملابس والدتي وجزمها والبسها واعمل بيها اشكال كتيرة قدام المرايا 






،هل عملك في مجال الأزياء اساسه الموهبه ام الدراسة ؟ 



،،هي في الحقيقة موهبه ولكن اخذت كورسات في الاستيلينج والباترون والخياطه عشا أكون ملمة بكل خيوط العمل اللي بعشقه 






،ما هي دراستك الاساسية؟



،،دراستي الاساسيه بعيدة تماما عن الأزياء وهي التجارة وادارة الأعمال التصميم كان لنفسي منذ الصغر وكبر حبي له مع مرور الوقت والسن 






،هل تصميم الازياء كان حلم من احلامك وانتي صغيرة وهدف لازم تحققيه؟


،،كل هدف بحلم بيه لازم احققوا وسبحان الله بكافح كتير عشان يتحقق وبتعب قوي في تحقيقه مهما كان بسيط لانه عشقي الاول

،من هو الشخص اللي وقف جنبك ودعمك في بداية حياتك لتحقيق حلمك؟
،،انا من اكتشف نفسي ودعمها ووقف جنبها وتعب معاها فشكرا لها

،هل مريتي باحباطات وصعوبات جعلتك تفكري في عدم اكمال حلمك وتحقيقه؟
،،مريت بمزيج من الألم والاحباط والفشل لكن عمري ما يأست او فكرت اتراجع فانا المقاتله الشرسه حتي الفشل اتعلمت منه والاحباط حولته لعند وقوة وتمسكت بالله ثم الامل ف خزائنه مليانه ما بتخلصش
،احكيلنا عن موقف صعب مريتي به في حياتك كان ممكن يوقفك بس هزمتيه؟
،،من أصعب المواقف اللي مش ممكن انساها لما دخلت علي شخص عشان أعرض عليه شغلي ومسك كل قطعه وقعد يتريق عليها ويسخر منها وخلي كل اللي في المحل يضحك عليا اخذت بضاعتي بأدب وخرجت وقولتلوا اوعدك انك هتندم علي اللي عملتوا معايا ومر الوقت وكبرت وجه مكتبي ياخد مني بضاعه وفكرتوا باللي عملوا وقولتلوا ان اخلاقي مش هتستحمل اني اطردوا بالعكس احسنت اليه مشي مكسوف ورفض ياخد البضاعه
احكلنا عن شعورك وانتي بتتسلمي اول تكريم في حياتك ؟وما الفرق بين شعورك وقتها وشعورك وانتي بتستلمي التكريم الاخير؟
،،وانا بستلم اول تكريم ليا كنت في قمه سعادتي وفرحت وشوفت اول الطريق
اول تكريم نفس شعور احدث تكريم كليهما خطوة في حياتي مع انتظار المزيد
،بعد ان وصلتي للعالمية بتصميماتك في الفيلم الفرنسي الاخير ما هي امنياتك القادمه؟
،،اكتر امنيه بتمناها عرض ازياء عالمي للحجاب في امريكا

،لو مكنتيش مروة البغدادي كنتي تتمني تكوني مين من الشخصيات في زمان فات؟ولماذا؟
،،صباح
عشان كانت أكثر الممثلات اناقه فانا اعشق عملي حتي النخاع
، ما هي الوظيفة او العمل اللي كان نفسك تقومي به لو مكنتيش مصممة الازياء مروه البغدادي؟
،،اتمني اكون عازفه للموسيقي لاني بحبها جدا
،ما هو معني كلمة الحب وتاثيره في حياة مروة البغدادي؟
،،معني كلمه الحب هو الروح فهي من اسرار الله والحب سر جميل يوهب الحياه لكل الناس فانا اعشق الحب والحياة
،حضرتك متزوجة ؟ احكيلنا اتعرفتي علي زوجك ازاي وهل هو يعمل في نفس مجالك؟ 
“متزوجه من ضابط شرطة برتبة عقيد ولي ولدان محمد وماجد محمد طالب بكليه طب اسنان وماجد في الشهاده الثانويه السنه الثالثه
.وزوجي ابن عمي فتعرفنا اكيد اسريا

،ماهو دور زوجك واولادك في عملك هل كانوا مشجعين لكي وداعمين؟
،، ربنا فعلا اداني زوج جميل ومتفهم ومتعاون والحمد الله هو داعم ليا وسند والاولاد اعتقد انهم فخورين بيا لانهم شافوا قد ايه تعبت وكافحت ده غير اهتمامي بيهم وتربيتي ليهم وماجد ابني عندوا ميول لشغلي وزوقوا حلو جدا جدا
،لو كان عندك بنت كنتي هتدخليها نفس المجال؟
،،لا المجال بقه صعب والظروف مش مساعده اي حد لكن لو حبت تدخل المجال مش همانع اكيد في رغبتها

نفسك تكوني جده ؟
،،نفسي جدا جدا جدا اكون جده

،ما هي احلامك بعيد عن مجال الازياء؟
،،أنا عايزة اكون وزيرة الموضه او السعاده 
،هل حققتي كل احلامك وما هو الحلم الذي لم تحققيه حتي الأن؟
،،انا لم احقق اي شئ من احلامي فلدي الكثير الكثير واتمني اني اكون وزيرة السعاده عشان اسعد كل الناس

،حاسه انك راضيه عن نفسك ؟
،،عمري ما رضيت عن نفسي
ودايما بشوف نفسي زي ماانا متقدمتش ولا خطوة
،قولي لنا الصفه اللي نفسك تغيريها في مروه او تحبي تكون موجوده فيكي ؟
،،اللي احب اغيروا الحساسيه الزيادة
واللي احب انها تكون فيا ان اتقرب لربنا وامسك في حباله دايما فهو في داخلي وروحي احبك ربي

ما هو موقع كلمة الندم في طريق حياتك؟

عمري ما ندمت في حياتي علي اي حاجه طول عمري بتحمل نتيجه تصرفاتي وقراراتي ويكون مسؤله عنها دايما
مين لما بتضيق عليكي الدنيا هو الوحيد اللي تسمحي له يشوف دموعك ويمسحها؟
اللي دايما يمسح دموعي امي واخواتي ربنا يخليهوملي

ما هي المقولة التي تؤمني بها وتتبعيها في مشوار حياتك ؟
المقوله اللي طول عمري اؤمن بيها لو علمتم الغيب لاخترتم الواقع الحمد الله

هل ممكن في يوم من الأيام تقرري أن تعتزلي التصميم؟
مش ممكن اعتزل التصميم الا لو كبرت ومقدرتش فعلا اكمل

 سفيرة الحجاب مروة البغدادي سعدنا بحوارك ومجلة سحر الحياة تتمني لكي دوام الصحة والتميز والنجاح

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: