شعر وحكاياتعام

كتر الوجع


بقلم نجلاء عزب

كتر الوجع

بيموِّت فيك

الاحساس بالألم

كتر الكلام

بيجيب سكات

بيجيب صنم

كتر العتاب

بتضيع محبة

وبيضيع نغم

ليه القلب البريىء

يلاقى قسوة

من البشر

ليه كل ما

يحن وينسى

يلاقى القلوب

زى الحجر

ليه الجرح

منهم يكون

زى السكين

يدبح يخون

من غير ما

يسيب فيهم أثر

كانوا اغلى

الناس علىَّ

كانوا ليَّه

نور عنيه

كانوا ضل

وضوء وشمس

كانوا اليوم

وبكرة وامس

كانوا ضحكة

مالقلب صافية

كانوا نسمه

فى البرد دافية

باعوا ليه

صداقة وافية

ليه الرخيص

يشتروه غالى

والغالى ليه بيبعوه

بأرخص ثمن

ليه بس

لو تنصفوه

ماتلاقوا

غيره يؤتمن

ده قلبه ده

زى الذهب

والباقى قشرة

وجواه عفن

وآه يا زمن

يَلى خليت

الحُر اتسجن

فى هذا الزمن

ومالوش سكن

الا الكفن

ولو اندفن

مالهوش مكان

ومالوا الزمان ؟!

دا الظلم

منكم فيكم

والعيب عليكم ..

مش ف الزمان .!

ولا فى المكان .!

ولا فى الوطن ..!!!!!!

مدير قسم الادب والشعر
علا السنجري


مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock