شعر وحكاياتعام

قصيدة ………… م الأول !!!



بقلم أشرف صالح
وعشنا الحب م الأول 
انا وانتي 
ودُبنا ف سكة العشاق 
عينكي ؟ ضحكة السكة 
وعيني ؟ رافضة للكتمان 
بتفضحني بنور ضيك 
وصورتك فيها سيل لحنان 
قلبك دقتهُ غنوه
في ألحانها يموت حرمان 
وصوتك صُبح ما يروح 
جناح سمان 
وبيرفرف كدا زيك 
على قلبي
يموت عطشي
يموت جرحي 
ولا يبقى ف بوح قلبي 
غير حُبك يفيض بحنان
ف محرابك 
انا قاعد ومستني 
تخُدني النظرة من نني 
يكون عاشق 
يكون رافض لطرف الرمش
ويرسم ضحكة 
فوق شفة قمر مكملش 
ف محرابك 
هقول غنوه بصوت عالي 
وحبل الشوق ف أوتاري وموالي
م تتعالي 
ومين زيك كدا قمره 
ومين ضحكتُه سمرا
م تتعالي 
ومين زيك غيطان خضره !

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock