عاممقالات

مصرية والفخر ليه



مصرية والفخر ليه

استكمالا لسلسلة ..اعرف واحدة

وبمناسبة تكريم الست المصرية
اعرف واحدة…كان ابنها بيعاني من التوحد…حالة توحد كاملة ..مش سمات توحد فقط…كان تعليمها متواضع والموضوع سبب لها صدمة ..مش اعتراض علي قضاء الله اد ما هو جهل بطبيعة الحالة والتعامل معها…تسكت ..تحط ايدها علي خدها وتقعد تندب حظها..لا ..ماخلتش مقال طبي اتكتب عن الموضوع الا ماقرأته واللي مافهمتوش دخلت عالنت تترجمه أيام ماكان النت عزيز مش زي دلوقتي..وعرفت إن السباحة من أهم الأنشطه اللي بتحسن الحاله وانها اساس فالعلاج ..اشتركت لإبنها فمكان لتعليم السباحه..وكله عارف ان الاماكن اللي زي كده بتكون غاليه جدا هنا فالدولة دي او الاندية بشكل عام شريحة كبيرة من المغتربين ماتقدرش علي رسومها…كان عندها صبر انها تاخده خمس مرات فالاسبوع توديه وتجيبه …وأثناء التدريب كنت بلاقيها مختفيه..مش متواجدة زي باقي الامهات ..لحد ماصدفه كنت داخله قاعه جانبيه لآداء الصلاة..لاقيتها ماسكة مكنسة كهربائيه وبتنضف المكان..طبعا هي قرأت علامات الاستفهام والتعجب فعيني؟؟!!…يعني احنا اه حريصين علي نضافه مكان الصلاة بس مش لدرجه اني اغير ملابسي واقعد اكنسه…خدوا بأه الكبيرة
عرفت انها بتشتغل عاملة نظافة فالمكان ده مقابل انهم يخففوا ثمن الاشتراك المبالغ فيه.لان امكانيات زوجها لن تسمح بتسديد المبلغ وانها حرصت علي عدم معرفه زوجها او اي من ابنائها حتي لا تجرح شعورهم…قولتولي الزوجه والام دي جنسيتها ايه…مصريه..اتحدي أي شخص ومع احترامي لكل الجنسيات يضربلي امثله من اي جنسيه تضاهي نموذج الست المصريه..
رسالة للأخ المتنطع اللي مجعمس عالفيس ..وبيكتب..الزوجة المصرية هي الأسوأ عالاطلاق
السيئة الوحيدة فحياة الست المصرية هم اشباه الرجال امثالك
ثم يأتي من يدعي انه رجل وقد اسود وجهه اذا بشر بإحداهن?
ويأتي اخر وقد اتهمها بالقلة والنقصان ?
ويأتي ثالث وقد حرمها من حقها في ميراث او تعليم 
ويأتي رابع وقد القي بها في دور الرعاية والمسنين
تبا لكم ??..فوالله انها لإمراة بألف منكم ومما تعدون

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: