شعر وحكاياتعام

يا أنسان

محمد الغازي
ملامحك مش هي أنت ياللي مني 
و رسمك مش هو رسمك مع إنك من سني 
إيه غيرك قوللي 
إيه شيلك الأحزان 
إيه عذبك قوللي 
شيبك قبل الأوان 
طب تفتكر حزنك حينفع 
و لا فيوم اللي راح حيرجع 
عيش الحياة و جرب يا صاحبي 
قوللي يا أنسان 
**************** 
لونك مش هو لونك أتغير طعمك و يومك 
لو في شيء عكر حيانك 
أو مرر صفوك و ذاتك 
الصبر يجي يحلهالك 
و هي دي حلاوة الحياة 
دا إيه يسكتك قوللي 
إيه يشيلك الأحمال 
و إيه يندمك قوللي 
على حلم مكنش بالأمكان 
عيشها و شوف جرب يا صاحبي 
قوللي يا أنسان 
************** 
شكلك سابق سنك 
و همك كاسر فرحك 
ضايع منك حلمك و بتحلم بالأمان 
خليها ع الله و خلينا 
نعيش و نعمل اللي علينا 
متفكرش كتير لتتعب دا كل شيء له أوان 
وأكيد حتحلى فيوم يا صاحبي 
صدقني يا أنسان
مدير قسم الادب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: