سر الطبخةعام

الحواوشي الاسكندراني

الحواوشي الاسكندراني من مطبخ نيفين منصور

مقدمة من / نيفين منصور

وقت التحضير / 20 دقيقة( 45 دقيقة لتخمير العجين )
وقت الخبز / 15 : 20 دقيقة
المقادير :
لكل كيلو دقيق بيتزا
( انا بشتغل بدقيق 5 ستارز للبيتزا و المخبوزات )
4 م ك حليب بودر
نصف كوب زيت
باكيت خميرة
باكيت بيكنج بودر
2 م ك سكر
رشة ملح
ماء دافئ للعجن
للحشوة :
كيلو لحم مفروم 
بصلتين كبار مفرومين ناعم
ملعقتين كبار لية خروف مفرومة ناعم اوي
ملح / فلفل / حبهان / لاورو / قرفة 
فلفل حامي مفروم ناعم
ملعقة عسل او سكر
طماطم مكعبات
بقدونس او كزبرة خضراء مفرومة ناعم
الطريقة :
– هننخل الدقيق و نضيف اللبن البودر و الملح و السكر و نخلطهم مع بعض
– نضيف الخميرة و نخلط كويس عشان تتوزع كويس
– نبتدي نضيف المية الدافية بالتدريج لحد ما نوصل لعجينة ناعمة و طرية 
ركزوا معايا 
طررررررية
– ندهن سطح العجينة زيت و نغطيها و نسيبها تخمر في مكان دافي
– نيجي للحشوة
دي طريقتي الخاصة و تحدي
نشوح البصل و معاه اللية المفرومة و التوابل على النار لحد ما البصلة تبقى شفافة و نسيبها تبرد تمام
– نضيف خليط البصل للحم المفروم و الطماطم المكعبات و الكزبرة او البقدونس حسب رغبتك
– نقسم العيجنة ل 16 كورة ( انا بحبها حجمها متوسط )
– نفرد اللحم على العجينة
– نقفل العجينة و ندهنها بخليط اللبن و الصفار و النسكافيه و نرش رشة سمسم و ندخلها فرن 200 درجة لحد ما يتحمر من فوق و تحت
و الف هنا على قلوبكم يارب

مدير مطبخ سحر الحياة / نيفين منصور

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: