شعر وحكاياتعام

الغدر الإنساني

ثروت بديع





الهم جوانى
والصبر هو المي
بيروى فيا الروح
قالوا الجدع مجروح
والجرح انسية
كان قلبه بيعانى
والسهم قبل الرمي
كان رشق ف الروح
والعشق جنية
عشتها جنب الشط
غنتى له ع الارغول
قالتله يامعدّى
تعالى من عندى
وعدّى من قلبى
خطت وقلبه خط
غزلت خيوط النول
والبراح الوان
قالت دا عشق الجان
بلسم يداوى الروح
والهجر كان انسان
والوجع انسان
والغدر انسانى
والجرح اللى جوانى
معايا راح تنساه
وتنسى قولة آه
والوجع مايطول
والفرح تلقاه
بالهنا مجدول
بس انت فوق م الحلم
وعدّى جوايه
ياعاشق الانسان
ليه غويت الأه
والعذاب غية
دا الغدر انسية
والعشق جنيه
ولا مرة هاتخونك
انسى بقى ظنونك
وعدّى جوايه
دا انا همى جوانى
وهمك على همى
يغسل لى احزانى
ويروى فيا الروح
والهم ينسانى



            مدير قسم الادب والشعر
                  علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: