شعر وحكاياتعام

الدنيا من غيرك جنة



صائغ القوافي الشاعر 
فهد بن عبدالله الصويغ 

جي  ليه  من    بعد    الغياب
دا  الحب  كله   وياك   عذاب
نسيت  عمل   ايه  حبك   فيا
و لا   إشتقت   تاني   للأسية
نسيت تقولي كلمة   تجرحني
ولا   وحشتك   دموع   عينيا

جي  ليه  تفكرني  تاني  بيك
مش كفاية اللي شربته بإديك
كرهتني  في  الحب  و لياليه
وفي الحلم  اللي  حلمت  بيه
مش حرجع   للذل   سامحني
داه   حبك  هو   الذل   بعنيه

إنسى القلب اللي ياما  ظلمته
والحب  اللي   بغدرك  دبحته
داه  حبك   كان   للحب   ألم 
أيامه   و لياليه    كانت   ندم
كنت بتفرح  و انت  بتظلمني
أرجع  ليه   تاني  تاني  للعدم

كل  اللي  بينا   قدرت  أنساه
حتى الحلم اللي يوم حلمناه
نسيت  الماضي  وكل   الامه
ونسيت الحب  و كل أوهامه
مرفوض الحب اللي  بيألمني
وملعون الحب لو كنت أيامه

دنيتي من غيرك  بقت  أحلى
والضحكة بدنيتي بقت أعلى
ايه اللي يرجعني  تاني   ليك
و انا  دنيتي   غير    ماضيك
معليش قربك كان بيجرحني 
و قلبي  معدش  بيفكر  فيك

إنسى بقى  أيامي  و إنساني
ولا تفكر حرجع لك يوم تاني
شفت الدنيا  من  غيرك  جنة
و هي  بتغني  ليا   و بتتغنى
ياما   حبك   كان   بيحرمني
وليه على نفسي بس  أتجنى

مدير قسم الادب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: