حوار بنازير مجدي
بعد أن دخلت إلي مجال عملها بالصدفة، استطاعت بجمالها وتميزها أن تخلق لنفسها عالم مليء بالنجاح والتميز في عالم عارضات الأزياء، ومع دخولها هذا لم تجد الطريق مفروشا بالزهور في البداية، فقد واجهت العديد من المعوقات، إلا أنها أصرت دائما علي إثبات وجودها وتميزها واختلافها، لتصبح أحد عارضات الأزياء المميزين، عارضة الأزياء بوسي باز……
بوسي باز حدثينا عن نفسك قليلا ؟
اسمي الحقيقي بسمة، ومعايابكالوريوس خدمه اجتماعيه جامعه حلوان، وكنت بشتغل اخصائي إجتماعى ونفسي، متزوجه من اربع سنين وعندى ولد.
حدثينا عن دخولك إلي مجال الفشون شو ؟
كنت دائما بحب اللبس والميكب، و بحب اغير دايما وأجدد في استايلى، وبعدين الموضوع جه صدفه عن طريق ميكب ارتسيت صدقتيى، وبعد طرح أول سيشن معاها بدء يجيلى عروض من البراندات والفاشون ديزاينر.
هل واجهتي صعوبات في بداية دخولك إلي عالم الفشون شو ؟
اكبر مشكله كانت بتواجه ان اغلب الفاشون ديزاينر، مكنوش مقتنعين بفكره الحجاب واغلب البراندات بتطلب بنات بدون حجاب بس الحمد لله مع الوقت ابتدى الموضوع يتغير، وكمان بقي في براندات بتصمم لبس محجبات من الالف للياء.
وماذا عن أهم أعمالك بالنسبة لك ؟
كل السسيشنات الى عملتها غالية، علي قلبي لأني عامة أنا بعرض لبس وخلاص، وبحاول أعرض شخصيه كل قطعه.
ما السر وراء نجاحك ؟
انا مقدرش احدد ان كنت ناجحه ولا لا، بس الحمد لله انا راضيه جدا عن شغلى الفتره دى، و طبعا الفضل كله بعد ربنا سبحانه وتعالي، يرجع لجوزى اللي بصراحه مستحملني كتير، وكمان والدتى لانى بعتمد عليها في حجات كتير أوى.
هل استطاعتي أن تخلقي لنفسك المساحة التي تجعلك مميزة في عملك من وجهة نظرك ؟
المسأله فى التميز هو الإختلاف، إنك تكونى مختلفه هو ده التميز
علي اي اساس تختاري اطلالاتك المناسبة ؟
انا بعشق الهاند ميد بشكل عام؛ لان القطعه نفسها بيكون جواها روح، وتعب اللى صنعها مش مجرد قطعه ملابس جايه من مصنع لا القطعه الهاند ميد، والازياء التراثيه بيكون ليها طابع خاص ومميز.
ماذا عن حبك للزي المصري والتراثي الذي يظهر في كثير من اعمالك ؟
انا بعشق تنسيق اللبس وتحديده، بحب تداخل الألوان والتغير عموما وفى نفس الوقت بحاول أكد فكرة أن الفتاة المحجبة يمكنها أن تكون جميلة وأنيقة، فأنا أحاول تحسين صورة البنت المحجبة التى يهاجمها البعض ويدعون أن حجابها سر تخلفها، فقد حدثنى أحد الشباب عن رفضه الزواج بمحجبة، معتقداً أن المرأة المحجبة متخلفة لأنها ترتدى حجابا يغطى عقلها وأذنيها.
من افضل عارضة أزياء بالنسبة لك ومثلك الاعلي في مجال الفاشون شو ؟
مثلي الاعلى عارضه الازياء الشهيرة حلميه عدن.
ما الحلم الذي تسعي لتحقيقه في مجال الفاشون شو ؟
حلمى انى احضر دفليه للمحجبات خارج مصر.
ماذا عن دور الرجل في حياة بوسي باز ؟
الراجل في حياتى هو زوجى، والحمد لله دايما بيشجعنى ودايما بستشيره في شغلي لاننا في الاصل اصدقاء، واكيد دعمه وحبه بيسهل ليا حجات كتير اوى.
ماذا عن تواجد الأعداء في حياتك ؟
الاعداء بصراحه مش بيهمونى كتير، و دايما برمى ورا ظهري وده اول خطوه للنجاح انك ترمى كلام الحاقدين والفاشلين وراكى.
ماذا عن محطات السعادة في حياتك ؟
محطات السعاده كتير بصراحه انا كل يوم بيمر عليا بكون سعيده وكل مابحقق نجاح جديد بيكون انطلاقه جديدة.
هل يمكنك الدخول إلى مجال التمثيل ؟
هو فى الحقيقة اتعرض قبل كده عليا انى امثل في فيلم قصير بس انا اهتمامى كله ببيتى، وشغلى كاموديل وبصراحه مش عايزة حاجه تأثر عليهم او تشغلنى عنهم.
ماذا عن أحدث اطلالاتك القادمة ؟
شتاء 2018 هايكون مميز ومختلف جدا، هايتم طرح اكتر من كولكشن أتمنى انهم ينالوا رضا الناس. 
