شعر وحكاياتعام

أنتو فين يا عرب


صائغ القوافي الشاعر 
فهد بن عبدالله الصويغ 


صرخنا  و إعترضنا  و شجبنا   يا عرب
طب  و بعدين  ايه  اللي  حيجرى   لينا
دا اللي ضرب ضرب  و اللي هرب هرب
أمة ضعيفة عايشين  بنبكي على ليالينا 
فلسطين راحت والعراق و ليبيا واليمن 
وإحنا قاعدين  بننتظر  إيه  من أعادينا
أضعف الإيمان نتوحد  و نصلح العطب
ونحمي أرضنا ونحمي اللي  باقي  فينا  
ترامب زي اللي قبله غدار   زي  ابولهب 
ماهو من نفس  الأمة  اللي  غدرت بينا 
سمه و غله واضح   و أتذكروا   الخطب
دي حبال إجرامه اليوم  بتتلف  حوالينا
تعبت أقول تعبت أنادي و تعب  العجب
منتظرين إيه تتوحدوا بإخلاص يحمينا
كفاية مهاترات  كذب  و تفاخر بالحسب
عيشوا حاضركم وانسوا شوية  ماضينا
عدلوا المايل وأتصدوا  لمهرجان  اللعب
صرنا فرجه وإنتوا غافلين في  حكاوينا 
شوفوا حل حاولوا تعرفوا  مين  السبب
اللي خلاكم في فرقه و ناسيين  بلاوينا
تاريخ زمان كان زمان  و خلاص إنكتب
ياريت الحاضر نكتب فيه  إننا  لبعضينا
حرام اللى عملوها جدودنا مننا  ينسلب
وكل اللي  و رثناه  ضاع   على  أعادينا
أخذوا شبابنا  و أخذوا كل  علم  الكتب 
اللي سابوه أجدادنا و  بالكرامه  ضحينا 
إن كنا صحيح عرب أهل شجاعة وأدب
تعالوا  نتوحد  و نكتب  تاريخنا  بإيدينا  
الحضارة صحيح للعالم كله عليها  طلب 
لكن لازم تكون  حضارتنا  بكرامه  تعلينا
بلاش نتغاشم ونتناسى إننا  بالدم نسب
دا إحنا جسد واللي بيروح بياخد عينينا 
بلادنا  العربية  كل  يوم  مننا  بتغتصب
وإحنا كل فعلنا  بس  شجبنا و أحتجينا
من سنة 48  لليوم  فينكم  من  الغضب 
ولا خلاص تعبنا من  الحروب  و أتهدينا
أمال سلاحكم   بتجمعوه  لمين  يا عرب
يا خوفي  لا  يكون   مجمعينه   لتباهينا
المجوس  و الصهاينة  و أمريكا   بحزب
وإنتوا أمة واحدة  لكن  سفن  بلا   مينا

مدير قسم الادب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: