أدم وحواءعام

كبسولة ارشادية للمقبلات علي الزواج والمتزوجات

بقلم الخالة وداد
شوفي بقي يحببتي انتي وهي عشان مترجعوش تقولوا خالتنا منصحتنااااش.سواء بقي كنتي متجوزة ولا لسه هتدخلي الخدمة فأهم حاجة لازم تبقي عرفاها ان كلام المجاملات الي بيتقال ده مش حقيقي فمتعشيش الدور وكأنك ملكتي الدنيا.
يعني هتسمعي انتي بنتنا وانزلي واعدي وفضفضي و..و…كل الكلام الي عرفاه والي يعتبر جرجره لا اكتر ولا أقل لمعرفة خبايا حياتك..
ماشي ممكن يكون مواساه وحب تمام لكن من الحب ما قتل.مش معني انهم ادوكي أريحية في التعامل يبقي تتحشري في حياتهم بقي وتسألي عن التفاصيل وتقولي رأيك بطريقه تتاخد عليكي بمجرد ما هتمشي من عندهم.
ومهما حبوكي مش هتبقي اكتر من ابنهم يعني وقت الجد هيقفو مع ابنهم فمتحوليش تولعي الدنيا بين افراد العيلة ومتخيلة انك هتكسبي لانك هتخسري كتير يحببتي.والله زي ما بحكيلك كده.
متديش سرك لحد ولا تأمني لحد حتي لو هما بلسم كده .لان وقت الجد اسرارك هتبقي علي الملء علي الاقل قدام افراد العيلة ومنهم زوجك لو الاسرار عنكم..
متبقيش بايته تحت كل يوم وكل دقيقة لان مهما طلبوا منك كده هيزهقوا لانهم محتاجين خصوصية بارضو ولا ايه!!
متخليش حد يدوسلك علي طرف ولا تقللي من نفسك لانك الي هتتعبي نفسيا بعدين وهتخلي كل شخص يشيل ويحط فيكي 
خليكي شخصية قوية وبسيطة وبعيدة عن كل المشاكل والقيل والقال لان في كلتا الحالتين هيتقال عليكي كلام ميعجبكيش ومش فيكي لو بس عملتي حاجة ضد توقعاتهم.
من الآخر خليكي مسيطرة في الي ليكي ومختصرة علي أد ما تقدري هتكسبي وهتريحي ويرتاحوا

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: