أدم وحواءعام

ابدء حياتك




بقلم :نسرين محمد
ابدء حياتك بجد وبلاش تستني اللحظه الي بتحلم ان كل حاجه فيها تمام وعلي الوجه الأكمل ؛ابدء استمتع بكل حاجه حواليك لأن ببساطه وقتك الي عمال يجرى ده هو رصيدك الحقيقي يعني مثلا هات الحاجه الي بتحبها واستمتع بيها دلوقت مش بعدين لو عجبك لبس وقادر تشتريه هاته وافرح زى الطفل يوم العيد ؛ لو قطعه اثاث عجبتك هتها واستمتع بيها ولو انت بعيد عن بلدك وارضك لان ببساطه دى خطوات اتكتبت وساعات وايام بتمر من رصيدك الغالي فلصح انك تعيش مرتاح ومبسوط في اي مكان ربنا كتبه ليك متاجلش المتعه علي امل لما ارجع بلدى او استقر في مكان ؛؛أفرح مع اطفالك شاركهم ضحكاتهم وبراءتهم قبل مايكبرو وتحس أنه يا خسارة ضيعت أحلي وقت كان ممكن تقضيه معاهم ارسمو لونو شخبطو علي الحيطان وايه يعني كل ده قصاد ضحكه أطفالك الي من القلب قبل ما يكبرو وبتدريج ينشغلو بعالمهم وأحلامهم اعمل معاهم ذكريات حلوة ده اهم واغلي من اي قطعه اثاث في البيت او خط اتخط علي الحيط؛؛ الحق نفسك والحق رصيدك الي عمال تصرفه ومستني اللحظه الي بجد بتضيع قصادها ساعات بل ايام؛ ؛ابدء وابدء وابدء؛ ابدء أفرح بنجاحك ولو حققت حلم صغير متستناش الاكبر منه لأن ببساطه كل ما تكبر أحلامك وطموحاتك بتكبر معاك ولحظه النعيم السرمدى دى مش هنا دى هناك؛؛ يبقا افرح وأسعد دلوقتي بطل تتدخر الحاجات الحلوة لقدام علشان كل ما الوقت عدى هتفقد قيمتها؛؛ وقيس ده بقا علي كل حاجه اجلتها وادخرتها زى لعبه جميله اجلت اللعب بيها والوقت عدى ومستمتعتش بيها ؛؛زى لحظات كتير لواسترجعتها هتلاقيها كانت فعلا ممتعه وحلوة وعدت من غير ماتعيشها بجد علي امل أما اوصل لكذا وكذا هبقي في قمه سعادتك وده مش هيحصل لأن ببساطه أحلامنا هي الوقود الي بيخلي الحياه تدور وتستمر فللاحلام مبتخلصسش؛؛؛ عارف امتى هتستمتع لما تعمل زى طفل صغير جاب كل ألعابه وقعد علي الأرض وقرر ينبسط بكل قطعه فيها بكل عفويه وبساطه تعرف تنبسط كده تعرف تفرح فرحه الطفل الصغير ده لو عرفت تحقق ده يبقي كده بديت حياتك متستناش الحياه تيجي تخبط علي بابك وتقولك دلوقتى أفرح لأن ببساطه القرار بايدك مش بايد اي حد تانى . 

دمتم فرحنين


رئيس قسم هو وهي : داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: