عام

رسالة شديدة اللهجة من أسامة كمال لمن يحاول المساس بكرامة المصريين


سامح عبده
لو كرامة المصري وجعته مش هيفرق معاه أكل وشرب
استشهد الإعلامي أسامة كمال، في حلقة اليوم من برنامج “مساء dmc”، بجملة للدكتور طه حسين قال فيها عن مصر: “مصر خليقة أن يُحسب لها حساب حين ترضى، وأن يُحسب لها حساب حين تغضب، وأن يُحسب لها حساب حين تريد”.
وقال كمال، أن شهادة طه حسين في مصر ربما تكون مجروحة لأنه مصري، وتكرار كلام هذا العظيم في البرنامج أيضا شهادة مجروحة، ولكن هذا لا يتعارض مع ضرورة التأكيد على أن مصر قوية بناسها وكرامة ناسها.
وأضاف كمال: “كلامي النهاردة لبرة قبل جوة، فاللي قاعد يكتب ورايا ويترجم اللي هو عايزه، يبدأ بترجمة الكلمتين دول وياخدهم هو واللي مشغلينه مأخذ الجد”.
ووجه كمال حديثه للداخل والخارج: “اوعوا تحاولوا تمسوا كرامة المصريين بأي شكل وتقولوا هيعملوا ايه الـ 100 مليون غلبان اللي بياكلوا بالعافية وتعليمهم وسكنهم وصحتهم وغيره على أد حالهم أوي.. لو كرامتهم وجعتهم ولا هيفرق معاهم لا أكلهم ولا شربهم ولا صحتهم ولا تعليم عيالهم وهيقوموا بيكم شر قيام”.
وتابع كمال: “لو وقفتوا مع المصريين وقفة رجولة وجدعنة – وشوفوا هتترجموها ازاي – ملكتوهم، وملكتوهم بمبدأ إذا أنت أكرمت الكريم ملكته، يعني ملكت قلبه وجوارحه، لكن لو أكرمت اللئيم اللي بيعادي المصريين، مش بس تمردا، لكن هتدفع التمن مرتين، مرة بتمرد اللئيم ومرة بغضب المصريين”.
وختم حديثه قائلا : “مصر الكريمة القوية العزيزة النفس والقدر، الفقيرة النهاردة والنهاردة بس في أموالها، الغنية طول عمرها اللي فات واللي جاي بناسها ورجالها وعطاءها قادرة تحط كل واحد في حجمه.. أسأتم التفسير وأسأتم الفهم، عيدوا الحسابات، مصر أكبر بكتير مما انتوا متخيلين..
أنا مش من الناس اللي بتقول إن أفضال مصر في معلمين وأطباء في المناطق المحيطة والبعيدة لأن دة كان ومازال واجب مصر مش تفضل منها، لمكانها ومكانتها، لكن لأنها رمانة الميزان في منطقة مهمة.. يا توزن المنطقة بيها يا يختل توازنها من غيرها”.

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock