شعر وحكاياتعام

بتنادوا مين ..؟



    سيد صادق


بتنادوا مين ..؟ صلاح الدين 
حد فيكوا عارف بس هو فين ؟
خلاص صلاح ساب الكفاح 
و فتح له قهوه ف الحسين 
مبقاش يصلي مبقاش يصوم 
وماشي تايه من الهموم 
كل اللي شاغله فيس و نت 
و بت ماشيه من غير هدوم 
و عادي جدا لو… سب الدين
بتنادوا مين …. صلاح الدين ؟!


صلاح يا سيدي بيخونوه ..
هو وابوه عشان جعان ..
كل اما ينطق يحبسوه ..
و ياما قطعوله اللسان ..
راهن علي كتب التاريخ …
و للاسف خسر رهان ..
قالوا عليه ده فيه و فيه
باين عليه جن و شيطان 
ف صلاح بقي .. حلمه يلاقي المشنقه
متعلقه و من غير ميزان 
صلاح خلاص صوت الرصاص
خلاه ضعيف خلاه جبان
عايشها بشروط … 
مره امن و مره قوت
وهموه هيغرق ف الياقوت ..
بس يغمض ف العينين ..!!
بتنادوا مين … بتنادوا مين ؟!!


مدير قسم الادب والشعر
علا السنجري

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: