شعر وحكاياتعام

( قرار القلب )



صائغ القوافي الشاعر 
فهد بن عبدالله الصويغ 
انتظرت كتير وكتير
وبقول بكره حتعرف
عشان حبيتك بضمير
بقى حبي لك شيء مؤسف


ماشفتش معاك غير غيره وعذاب
وعمر ضياع كان كله ألم 
عيشتني الحب بحلم كذاب
خسارة حبي فيك مكنش العشم

كل وعودك اللي قلتها وهم بوهم 
وكل كلمة وعد خنتها مع الأيام 
كل نظرة غدر كانت بقلبي حمم
تزود نار عذابي وتزود فيا الألام

لا يوم عرفت تحب اللي حبك
ولا يوم حسيت مره بأهاته
عمر الحب ماكان للي زيك 
د اللي زيك يطفي للحب شمعاته

بعد ايه جي بدموعك تعتذر
عمر اللي فات ما يرجع تاني
كلمة واحده أقولها بالمختصر
قلبي ما يقبلش يحب أناني

كل اللي فات مابينا ياريت تنساه 
ولا تفكر في يوم إني كنت بحبك
و اللي عملته في قلبي حتلقاه
ولا راح تقدر على نار قلبك

داه قرار القلب اللي بإيديك خنته
معدش لك فيه مكان يحميك
لو كنت بعنيك مره وحده صنته
كان لقيته النهارده بيخاف عليك

21-1-2018

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: