بقلم /دعاء كشك
مهتمه بأقتصاد الاسرة
احنا كلنا بنعاني من ان ولادنا مش بيرضوا يكلوا اي اكل بايت علشان كده هنحاول نغير في الاكل اللي عندنا و نعمل منه حاجة جديدة
يعني هنغير مع بعض اكلة قديمة و نقدمهالهم بشكل جديد علشان كده ممكن بحاجات عندنا نستخدمها تغيرلنا خالص من الاكله القديمة
يعني المشروم،الجلاش ،الجبنةالموتزاريللا،المكرونة،التونة ، …….كل اكلة هنستعمل معاها حاجة تغير منها .
يعني مثلاً لو عندك سبانخ بايته ممكن نصفيها و نعصر عليها ليمونة و نجيب الجلاش نقطعة شرايط زي السمبوسك يعني تقريباً بنفس العرض و نحط السبانخ جواه و نلفه زي السمبوسك
و تدهن الصنية بتاعتنا بالزيت و نرص فيه الجلاش و نحط على الجلاش من الوش زيت يعني ندهنه بفرشة و نحطة في الفرن لحد اما يحمر و بيبقى مقرمش و جميل و بكده غيرنا في السبانخ و بقت اكلة تانية مختلفة
و إنشاء الله تعجبكم .
رئيسة قسم صحتك بالدنيا/ نهى على
