شعر وحكاياتعام

جوايا

بقلم هانيه جمال الدين
أنا جوايا متطمن لكن خايف
والرؤية واضحة وبرده مش شايف
أنا جوايا متلخبط وفيه كراكيب
انا جوايا ليه عارف ومش عارف ؟!

انا جوايا حد بينده التانى
انا جوايا عند وطاعة عميانى!!
انا جوايا ١٠٠ شخصية موجودة
شالين حركتى ولسة فى مكانى

انا جوايا نفسي أكون قوى وصالح
وجوايا بخاصم نفسي وأتصالح
وأقول يارب قوينى على ضعفى
واعملى اللى فيه الخير والصالح

انا جوايا طفل بيلمس الاحلام
وبيبتسم فى الحلم لما ينام
انا جوايا١٠٠ احساس ونفسي أحكيه
لكن جوايا مش لاقى لمشاعرى كلام!!!!

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock