أدم وحواءعام

العوده للمدراس….

كتبت : أمل شحاته

النهارده أول يوم فى الترم الثانى …صباح جميل ومبهج واحنا شايفين الأولاد صاحين بدرى فى نشاط إلى المدرسه..وماأجمل أن يعود أولادك من المدرسه فيجدونك بابتسامة مشرقه ترحبين بعودتهم مشجعه لهم ،فالترم الثانى قصير جدا والمواد مكدسه وطويله فبلاش المشاعر السلبيه اللى جواك لأن دى بتكون رسائل تنقل لهم دون أن تشعرى وتأثر عليهم سلبيا.. نتفق مع بعض على كام خطوه توصلنا إلى أفضل الحلول.

أولا..بلاش حكايه التعليم فاشل..وإحنا خرجنا من الترتيب ..خلاص دى إسطوانه اتهرست كتير ومحبطه..خلى بدلها المدرسه هتتعلم فيها حاجات جديده لو مش علوم فى هندسه وجبر فى رسم فى رياضه فى إنك ممكن تدخل مكتبه على أقل تقدير وزملائك.وأصحابك اللى وحشوك وهنا دورك تختارى له أصدقاء طموحه نفسها تبقى حاجه…. وتعرفيه إنه أحسن من ناس معندهاش فرصه يتعلموا ومعندهمش مدارس أساسا.

ثانيا..لازم التشجيع ومهما كانت نتيجه الترم الاول قولى له هنقدر نعدى وننجح…خدى منه وعد وإنه بدايه جديده..لما ياخد القرار بنفسه بيكون مثابر اكثر .
ثالثا..بلاش الألفاظ اللى ملهاش لزمه..ركز ..أنت مش بتفهم..ياحيوان..خليك تايه كده..والشخط..اصبرى وامسكى اعصابك..وكلام تشجيع ..دى ابنتك ومش هتخسريها عشان المذاكره ..هو أنت نسيتى نفسك وأنت صغيره كنت الأولى ماشاء الله كنت كده عشان هى حته منك واكيد شبهك..علاقتك وحبك لها اهم من اى حاجه
ده انت سندها وامها ..ده اليتيم كده يبقى فرحان إن معندوش أم تنكد عليه وتذله وتضربه لأن الأمومه عندك نكد وشخط باسم انك خايفه على مستقبله.
ثالثا..الأكل.. حضرى له حاجات بيحبها بجانب الأكل اللى لازم ياكله عشان صحته..السلطه شكلها وطعمها شهى عشان ألونها الجميله والفاكهه البرتقال مش غالى ممكن يبقى عصير ..جيلى..وكلام التشجيع ييأثر جدا على الأولاد بدل مايجى له عسر هضم وإمساك.
وأخيرا..واحنا بنذاكر ..أكيد كل المواد جديده وميعرفش عنها حاجه..أمال هو رايح المدرسه ليه لو بيدرسوا له حاجات عارفها…بلاش بقى ياحمار ركز..انت مش بتفهم…انت غبى..بذمتك ده كلام ينفع؟؟يعنى انت متوقعه بعد الشتيمه دى ايه؟؟ده انت بتقفليه من الدنيا كلها..لو قالك صعب ..قولى نشوفها كمان مره …مرتين ..ثلاثه.غيروا الماده الصعبه بماده محببه له…وراك إيه غيره؟؟ وايه اهم منه!!
واخيرا…اللى جواك من مشاعر سلبيه بيتنقل له..فابدئي بتغيير نفسك وهم هيتغيروا تلقائيا لوحدهم….وكله بالحب والتفاهم بيعدى …
وترم جديد وسعيد عليكم.
رئيس قسم انت الحياه: داليا طه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: