شعر وحكاياتعام

((( مفيش حد بيستأهل … ياقلبي )))



صائغ القوافي الشاعر 

فهد بن عبدالله الصويغ 
رغم كل دموعك يا قلبي
لسه ياقلبي بتعرف تحب
بتعرف تداري وبتعرف تخبي
وبتعرف تغني أغاني الحب


عايش في دنيا غير دنيتك
بتسعد بحبك كل اللي حواليك
عمر ما اختفت منك ضحكتك
ولا عمرهم شافوا دمع عينيك

دايمآ بتضحي عشانهم كتير
بس ياخسارة هما مش سألين
بتبيع الدنيا وبتحب بضمير 
وهما ياقلبي مش عارفين

كأنك من زمن تاني غير الزمن
عايش ومش عايش وسطهم 
دايمآ يا قلبي بتدفع الثمن
اللي عملوه فيك ياما بظلمهم

فوق يا قلبي وإشتري روحك
فكر في نفسك ولو يومين
اللي بتحبهم زودوا جروحك
ونسيوا الحب بقالهم سنين

إوعى تندم على اللي فات
وتحاول تاني ياقلبي ترجعلهم 
دا الألم والدموع وكل الاهات
لما كنت ياقلبي بحبك تودهم

إنساهم وكفاية عذاب و جراح
دنتا ياما عشانهم ضحيت
دا الفجر بعديه نور الصباح
وإحمد ربنا إنك منهم عديت

عيش لنفسك و إرجع لدنيتك
مفيش ياقلبي حد بيستاهل
إنسى الدموع ونور بضحتك
وإبعد يا قلبي عن المشاكل

15-2-2018

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: