أدم وحواءعام

تحرري من قيودك بقلم

تحرري من قيودك
بقلم : إخلاص عبد المحسن

دايما نسمع طنط حشريه و هي بتقول عيشي يا بنتي و استحملي و اصبري و ربي عيالك
يا بنتي دا ضل راجل و لا ضل حيطه و الناس كلها مخنوقه و محدش عايش مرتاح و الرجاله كلها كده
يا بنتي محدش مرتاح
لأ يا طنط و لأ يا ماما و لأ يا كل حد بيحاول يفرض رأيه عليا
أنا زهقت و قررت أتمرد و أعيش بطريقتي و بالأسلوب اللي يناسبني و اللي انا شايفاه من وجهة نظري إنه صح
مش لازم عشان اربي ولادي و الاقي حد يصرف عليهم أعيش بقية حياتي مقهوره و مخنوقه
لأ
أنا حره و ربنا خلقني حره و قويه و عنيده
عمري ما استسلم لوضع ضد طبيعتي
أنا أقدر اشتغل زيي زي أي راجل وافتح بيت و اربي الأولاد و اطلع دكاتره و مهندسين كمان
و ياما شفنا نماذج كتير لأمهات كافحت و ربت أولاد بدون أب سواء كان بسبب يتم أو طلاق
أنا هنا ما بدعوش للطلاق أو الفرقه بسهوله أو بساطه
لكن بنادي بإننا ما نقهرش أنفسنا في سبيل وهم عايشينه مالوش أي أساس
مجرد هاله و اتخلقت حوالينا من العادات و التقاليد الباليه اللي لا تودي و لا تجيب
الأولاد ممكن يطلعوا معقدين لما يتربوا في جو مليان مشاحنات و مشاكل بين الأب و الأم
لذلك في حالة استحالة استمرار الحياه بين الطرفين مفيش حل أفضل من الانفصال
عشان الأولاد يتربوا في جو هادي و مناخ صحي و سوي
ده حتى ربنا قال في كتابه العزيز

وَإِنْ يَتَفَرَّقَا يُغْنِ اللَّهُ كُلًّا مِنْ سَعَتِهِ ۚ وَكَانَ اللَّهُ وَاسِعًا حَكِيمًا

صدق الله العظيم

كوني جريئه و تحرري من قيودك و قرري مصيرك بنفسك

………………………………………….

إستحملي
و عيشي يا عبيطه
ماهو ضل راجل
و لا ضل حيطه

كلمات عقيمه
و عقول مريضه
دمرت أجيال

عيشي يا بتتي
و اصبري
عشان العيال

مصدقين نفسكم
و انتوا عليها بتكدبوا

عايشين في غلب و مغمضين
و م الحقيقه بتهربوا

فووووقوووووااااا بقا

الحكايه مش بسيطه
و بصراحه انا مش عبيطه
و مش محتاجه ضل حيطه

أهلي علموني أصبر
بس مش صبر بخضوع
لما يا ناس الأمر يحكم
لازم حل للموضوع

و الحل اني مش حطاطي
راسي دايما عاليه فوق
و ان كان ع العيال حتكبر
و البال رح يرتاح و يروق

و ان حتى باباهم نسيهم
حشتغل و اصرف عليهم
و حكمل حياتي وحدي
أنا جامده و قد التحدي
مين قال إن الدنيا راجل
ياما فيه ست بألف راجل
و انا مش ممكن أعيش في قهر
حطلق بالعند فيهم

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock