شعر وحكاياتعام

بسكوته في شاي


بسكوته في شاي

قصيدة /عبد الرحمن
احلامنا كان مبالغ فيها ولا الواقع خاننا
العيب كان في إجاباتنا ولا العيب كان في امتحاننا
عزفنا علي أوتار اللوم وعلي أوتار الاسف 
نكره كل شيء مش كامل واحنا مش كاملين للأسف
حبتها… ضمتها….. وحبي ليها كان قوي
ادمنت نفسها لدرجه غريبه تقولش بودرجي
سيبيهم يتهموني بالجنون ميهمنيش كلامهم
هو المجنون مبيفهموش ناس قدر يفهمهم؟
تلميذ مذاكرش وفاكر امتحانه اللي ميتحلش
مع ان الكل واخد نفس الامتحان مقلش
عمري ما كنت منافق وقولت تسلم الأيادي
اتغربنا عن بلدنا عشان مفيش تقدير في بلادي
سمعنا كلام اهالينا وللأسف كذبوا علينا…
قالوا هتمشي جمب الحيط هترجع سالم غانم لينا
وعدتني وعود كتير وقالتلي معاك للنهايه
بس اكتشفت أن النص الفاض هو أجمل نص في الكبايه
بسكوته في شاي ودابت… أحمد ربك أنها غابت
ماضي حياتنا وذاكرياتنا زي ست عجوزه اتهانت
سيبوا المدينه تتحرق وانا لوحدي اللي فيها
مش هقدر امشي منها ده انا واخد وعد من الأميرة
عشت معاكي كتير تجارب مكنش فيها صدف
ليالينا في غربتنا علمتنا إزاي نقف
بشكر كل اللي إداني ضهره في عز مراره الأيام
ولما تضعف اوعاك تنسي ان ليك رب اسمه الرحمن…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: