عاممقالات

الجنس و التدليك في رسائل others

بقلم دكتورة / إيمان الريس
اللي يعيش يا مايشوف ، رسائل others علي الفيس بوك ، اللي غالبا مفيش حد فينا بيفتحها غير للضحك والسخرية واحيانا الشعور بالخوف والاستغراب والترحم علي النخوة والرجولة ومش بس كده الاستحقار كمان.
مفيش بنت او ست ماشفتش رسائل others الجنسية او فيديوهات او المساج الجسم او انا جامد من المختلين عقليا وبدنيآ وغالبا بيكون عندهم عجز للاسف ، مفيش واحده فينا ماشفتش راجلً كبره كده قد ابوها احيانا جدها يبعت فل وورد و ياسمين علي الصبح للتعرف وللشعور بالوحدة القاتلة فبيحاول يسلي نفسه ويطلع عينه احنا ده ياعيني غلبان مفيش منه ضرر خالصً .
مفيش واحده ، ماشفتش شاب من دول الخليج او البحر المتوسط البمبي و يقولك نبغي نتعرف علي الحلوة ابو عيون جميلة ياأخي الحلوةً دي تبقا ماما، منك لله بنسي نفسي مع الأشكال دي اني دكتورة وبفتكر ست الستات فيفي عبده في اللحظة دي بس.
احب اقول لكل بنت او سيدة بتشوف الأشكال المريضة دي ، بلاشً تخافي خالصً انتي قوية انتي محترمة مفيش عندك مشكلة والله المشكلة في ناس مريضة بالجنس والتعرف علي البنات واصطياد النساء واستغلُّهم بكل الأشكال فلوس وجنس وكله ، اوعي تكوني فريسة سهله ليهم ابدا ، المشكلة عندهم هما في أخلاقهم في نفسيتهم في علاقتهم بالآخرين والبعد كل البعد عن ربنا والله الناس دي مريضة لازم ندعلهم .
ده اسمه مرض اسمه الإدمان على الإباحية المصورة Pornography addiction) أو الإدمان على الجنس المرئي،
و ايضااضطراب الإفراط الجنسي(hypersexual disorder)

وأسباب المرض :-
– ضغط نفسي، مشاكل شخصية ومشاكل في الحياة الزوجية، قلق الاداء (خوف من الفشل الجنسي إلخ).
أمراض شائعة مثل: السكري، ضغط دم مرتفع، دهنيات في الدم (hyperlipidemia)، تصلب الشرايين (Atherosclerosis)
أن الاضطراب يتميز بأنه نمط يتضمن الانشغال المتكرر والمكثف بالتخيلات الجنسية، مما يؤدي إلى عواقب وخيمة وضعف في التنمية الاجتماعية اوالمهنية، أو في اي مجال من المجالات الوظيفية الهامة.يعني من الاخر ميعرفش فاشل في كل حاجة ياست البنات .
تعالي اقولك اقتراحات حلوةً جدا جدا و جديدة 
شوفيً يا ست البنات 
اول حاجة خلي بالك لو عندك اطفال رقابة يوميا عليهم ، اعملًي شورت اسكرين للرسالة وعليكي وعلي كل الجروبات والاصحاب ناس كتير هتخدمك والله انا أولهم .
ثاني حاجة أصحابك حبايب قلبكً تبدأ في عمل ريبورت للاكونت .
تالت حاجة مباحث الانترنت و”بلاغ جماعي علي الاكونت من أصدقائك اللي بتحبكً والله كلنا هنساعدك.
رابعا نعمل جروبً لفضح هذه النوعية من الشباب والشيوخ ونحاول نساعد بعض في مواجهة الظاهرة المريضة دي .
رسالة الي الكائنات اللعينة في كوكب الارض :-
الي هؤلاء الأسماء الملوثه
حمو ولعه ، محمد الشقي، دودي الجامد ، محمود الخطير بتاع الفطير ، زياد المحشش ، تامر بتاع الدلع ، زكي تدليك ، فتحي برشامه ، شادي الهادي ، صلاح سي فود ، شعبولا التعبان الهيمان .
الي كل أصناف الرجال اسفه أشبه النساء، أعضاء الاطفال ، عقول الحمير ، اخلاق الدجاجة ، احذروا علي أهل بيوتكم من رسائلكم المريضة ، ياريت كل واحد يدخل علي رسايل othersعند امه او اخته او مراته او صحبتوا او حتي جدتو هتلقي رسالتك القذرة عندها اه والله بس مش منك من واحد مريض زيك فا كما تدين تدان يامعلم .
نصيحة لوجه الله تتعلاج يابرنس عشان تعرف تعيش حياتكً زي الناس الطبيعية مش زي الحيوانات في ملابس البشر ماشي يا مان ، اسفه اقصد يا أبله .

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock