شعر وحكاياتعام

سفينة نوح !!!




سفينة نوح !!!

الشاعر محمد ضباشه/مصر

بالحب نزرع الحياة
جوه قلوب الطيبين
ونبني سفين النجاة
ونكون لبعض قريبين
نسند الضهر اللى مالت
اللى منا يا ما شالت
ولا بمطالبها غالت
ولا قالت أنتوا فين 
يا مدوزنين صوت الأنين
على الربابة وعلى الكمان
فيه أيه كمان
يقتل فى قلوبنا الحنين
ويرفرف بسكين الصعاب
تتوه حياة ورا كل باب
ولا لسانى فى مره عاب
ولا خاب مع الصابرين
خدونى على الجودي
أركب سفينة نوح
أكسر نهرى وحدودي
وأروح منين ما تروح
دا الروح متشعلقه آمنية
والحلم طار لبعيد 
يا أمة التوحيد
ليه على الخراب ساكتين
وهم بيقسموها فرق
بين شيعى وبين سنى
ويصنفونا فرق
بين مسلم وبين ذمى
لما اللى باقي إتسرق
ولا عاد غير الفرقة
ونار هوس شارقه
بتكسر أصول الدين
وعلى الصاجات راقصين
وشعوبنا ما لاقيه ضريح
وفى كل الشتات تايهين
طايرين فى هبة ريح
لا للعمر له تصريح
ولا الموت يا ريته مريح
هوى وغرضه قبيح
عينه على الشاردين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: