شعر وحكاياتعام

أنا رايح فين ؟


أنا رايح فين ؟

الشاعر الدكتورمحمد ضباشه/مصر
وفى أخر لمحة ضوء
فى سراب العمر المتسرسب
والتايه من أحضان الشوق
لفيت كغريب وسط الأفراح
والزفة بفستانها الأبيض
يا نهار أبيض ! 
أنا قلبى ليه مخنوق
والنن مركز على صورة
وعيونى تدمع مقهورة
وخطاوى الموج مشلولة
والعتمة براح
العقل يفتش فى الذكرى
وينادى بأعلى الصوت
راح أسلم وأستسلم
ولا بوجعى أموت
ولا أصوم وما أتكلم
أصحى يا مريم
باركينى وأنا جوه تابوت
وأعلام بترفرف على ظهرى
ما كان مهرى
وجزاء الحب اللى فى قلبى
أروح مربوط
وأسلم راية الحب
لكل محب
وأنسج لك فى القلب حياة
كان قلبى يتمنى معاك
يعيشها نجاة
لكن ما وصل له يقين
أن خريف السعد يلين
والشمس تصحى بأحلامها
وأعرف أنا رايح فين؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: