بقلم فاتن فاروق
زمان النهار كان نوره اقوي
زمان كان اليوم فيه بركه
زمان كنا عيال مش شايله هم بكره
زمان كان الهوي له ريحه حلوه
كانت لمه العيله فرحه
كنا نتجمع علي اكله سخنه
ولا كبايه شاي كشري
هيصه وعزوه
فين احنا دلوقتي من دي القاعده
راحوا فين ناسنا بتوع زمان
اوعوا تقولوا ان التراب غطي
لا دي النفوس اللي جوه القلوب وحشه
ليه بناكل في بعضنا
ليه بتتخطف اللقمه من بوقنا
فيه ناس عايشه وناس مدفونه بالحيا
يازمان ليه عديت وجريت بسرعه من جنبنا
كنا فاكرين ان الدنيا دي دنيتنا لوحدنا
اتغيرنا ليه مع ان الام والاب في الاصل واحد
ليه الولاد طلعوا مش مننا!!
العيب بقي فينا … ولا في اللي خرجوا من بطننا
