عاممقالات

عيل تايه



عيل تايه

قرر انه يفارق كل الدنيا
ويرحل
شاف ان مشاكل عمره
بتتكون في القرب
والبعد أسهل
وان ساعات بنحب حاجات
وبننسى حاجات
وبنرمي حمولنا في حجر
مراكب مبتبحرش
وان الناس اللي بنعشقها
وعايشة حياتهم اصلا بينا
لما بيتقل حملنا مرة
متستحملش
فميشغلش
انه يحب
او يتحب
او ان حياته تلمع منه
او حتى تسب
وميفرقش معاه السما
لو كانت تمطر خير
او متطمطرش
اصله عارفها وحافظ
كل ملامح حزنها جدا
عارف انها لما بتضحك
ان الضحكة تملي بتبقى بزيف
وان الحزن ده واجب
مكتوبله يعيش دايما جواه
والدمع تملي به مواعيد
زي السيف
العيل
نام
زي ما كل الناس بتنام
بس الحلم مكانش مشابه للأحلام
الحلم اتجسد في عروسه
تشبه أحلى بنات الدنيا
وميوصفش جمالها لا غنوة
ولا يقدر على شرحه كلام
قاعد هو
ودمعه قرينه ولا فيه جديد
هي بتظهر زي خيال
بس خيالها بيفرد نفسه
بفرحه كانه العيد
مدت ايد
هو مكانش مصدق نفسه
فكر لحظة
وقال البنت دي هي اللي بتظهرلي
تملي بعيد
واما بقرب منها مبلحقهاش
قطعت هي سكوتة بجملة
هي حياتنا اتخلقت إلا عشان تتعاش ؟
خطفت روحه وقالها كلمة مبيقولهاش
بحبك
ياللي عنيكي مدينة
وسورها بيعلى على العشاق
ياللي قليبك ليا سفينة
وروحك قارب عمره ما ضاق
انتي الرحمة
انتي الحرب اللي بنعلنها
وقلبي يادوبك م الأشلاء
انتي الداء
وانتي كمان الدوا جوايا
انتي البنت اللي اما بتضحك
كل الدنيا بتبقى معايا
هشام_الشاطر

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock