بريد القراء أعداد : هويدا صابر
مرض وحمل زايد عن الحد وعمر فوق عمرك بسنين لا العمر قصير كمان وقتل للنفس مع سبق الأصرار والترصد ، برواز هتفضل مقيد جواه بأرادتك لحد الموت أو النجاه منه مع العلم أن محدش هيخرجك منه غيرك ، في بني أدم عاقل يحكم علي نفسه بالأعدام ويحرمها من الحياة طب أزاي؟
دي مشكلة السائلة أ ل :
أنا أنسة عندي 33 سنة بعاني من زيادة في الوزن كبيره جدا لدرجة أن كل أللي يشوفني يقولي ياحاجه من وأنا في العشرينات ، ولو أخواتي الكبار معايه يفتكروهم ولادي ، ولما حد يعرف أني أنسه تبتدي التريقه عليه ، مشكلتي بدأت وأنا صغيره لما كانت أمي تحط قدامي الأكل اشكال وألوان وهي وأبويه كلي عشان تتغذي وتربربي كده ، لحد ما معدتي بقت بتستوعب كل ما أكبر كميات اكبر من الأكل ومختلفه ، كبرت وكبرت معايه السمنة لحد ما بقت سمنه مفرطه ، وأنا صعب أني أكمل في رجيم وعندي فوبيا من الجراحات ، الأكل متعتي الوحيده بنفس فيه كل طاقتي ، لدرجة أني لما حبيت مرتين كنت متمسكه أوي بالأكل وبوزني عن حبيبي ومنهم واحد كان بيعاني من سمنه زي وطلب مني أننا نساعد بعض ونخس هو خس فعلا وشكله أتغير وأنا زي ما أنا ، قالي احنا أتفقنا نساعد بعض وأنتي صعب تتغيري وحبنا مغيرش شئ فيكي أنتي أنسانه سلبيه وضعيفه وسيبنا بعض ، صدمتي مش غيرت مني لا دي زودت الأكل أكتر وأكتر ، أنا عايزه أقوي أرادتي وأخد خطوة أني أخس ، مش عارفه أعملها أزاي هل أروح لدكتور نفسي؟
———————
السائلة الكريمة: مشكلتك جزئين جزء يخصك وجزء يخص أهلك ، هبدأ بأهلك أللي للأسف في منهم كتير في مجتمعنا ، وكأن الطفل عباره عن بالون بيتنفخ بالأكل ومقتنعين أن دا الغذا السليم والصحه وهو بيكون بداية تدمير أبنائهم بالسمنه لا وتدمير بالحب كمان ، لكن في أمهات وأباء بيكون الأكل لأولادهم بمواعيد وبكميات محدده ونظام في طريقة الأكل تكون براحه والمضغ كويس ودا مش عيب ولا حرمان زي ما بيقول عليه البعض دا الصح والأصح ، الجزء أللي يخصك أنتي مش محتاجه رد مني أو مساعده من حد ومفيش أقراص لتقوية الأراده ، أنا سألتك أنتي سعيده وأنتي بتبصي في المرايه كبنت أو وأنتي بتشتري لبس ومتلقيش مقاسك تضطري تلبسي لبس تفصيل يداري جسمك ومش مناسب لسنك ؟ ، قولتيلي لأ مش سعيده ، وطبعا مش محتاجه أسألك لو ظهر حب في حياتك حقيقي لأنك كنتي محظوظه وظهر وكمان حبيبك قوي بيكي وأخد أيدك وطلب منك تساعدوا بعض بلافائده منك ، هو نجح وأنتي طبعا أزاي أخس عشان حد أللي يجي أعجبه كده يا بلاش ساعة الأكل متتعوضش ، لأ لو قالك بلاش عنده حق لأنك مريضه بمزاجك مع سبق الأصرار مش حاجه خارج أرادتك ، أنتي مستنيه أييييييييه؟ العمر يعدي ووزنك يزيد والبرواز أللي حبستي نفسك فيه يضيق عليكي أكتر وأكتر لحد مايخنقك ، أيه الفكره من أحتفاظك بهذا الكم الهائل من الوزن والدهون عن قناعه ، لأن أطباء التغذيه المتخصصين قالوا سمنتك مش بسبب مرض دي من الأكل لو كميات قلت تدريجي وزنك هينزل وأحتمال في خلال 6 شهور هيبان عليكي الفرق المهم الألتزام ، وبعدين أنتي عارفه دا كله يبقي لاااااااااازم تساعدي نفسك وتخدي أهم خطوة في حياتك قبل فوات الأوان دا رأي الشخصي ، أنا ممكن أقولك أعرضي نفسك علي طبيب نفسي هو معندوش أقراص أراده لكن هيتكلم معاكي مره وأتنين ، لكن أبدأي بنفسك أفضل وأسرع ، وأسأل الله لكي النجاااااااح والثباااات في أهم خطوة في حياتك أنتي وكل أللي بيعاني من مشكلتك السمنة سواء أنسه أو متزوجه ، ومتزوجه دي تحتها مليون خط لأنها مش معفيه ومعاها رخصة تصريح سمنه ، لازم تهتمتي بنفسك طول العمر مادام القرار دا في ايدك ، والحل أن البوق يتقفل شويه.
