مقالات

هعلم أولادي خلاصة تجربتي واللي شوفته ف حياتي وحياة غيري

مايسة إمام

لكن مش هعلمهم ان نصيحة غيري ممكن تنفعني وممكن لا
هعلمهم بما يرضي الله ورسوله الحق حق والعدل طريق لراحتي ودخولي الجنه

هعلم أولادي أن الكبير فيهم يحترم ويحتوي اخواته الصغييرين بس بما يرضي الله
واجبر اخواتها الصغيرين ان يحترمو الاخ الكبير وانه ف منزلة الام او الاب حسب ولد او بنت
هعلم ابني القيم والحق والجزاء من جنس العمل
ابني لما يشوف باباه بيصلي وامه،، هيصلي بس انا لازم اتعب ف الاول واوجه ومسبهوش للوقت واقول مسيره يصلي واريح نفسي واتعب ف الاخر واتعبه ف حياته

ابني الطفل بقي راجل بفكره
باباه سافر وابني طلب ينزل يصلي زي ما كنت بخلي باباه يخدوا معاه كل جمعه يصلي ويتصدق كمان ابني قام بنفس العمل ف غياب باباه
الحمد لله ع الرسايل الربانيه انك تزرع خير ف اولادك وتلقاه 

بنتي ان بكيت تيجي تطيب بخاطري وتحضني تكون ام واخت وصديقه واكون ليها كل شي متخفش منني واكون سرها محدش هيخاف عليها قدي

البنت ام واخت وصديقه ووطن يعشش عمره ما يطفش عشان كدا هوصيها تاخد بالها من اخواتها بعد ما اقابل وجه كريم
هعودها متجيش علي نفسها اوي وتضحي لاجل اخواتها لازم تشوف نفسها بما يرضي الله واخواتها يطيعوها ويحترموها وميدلعوش عليها ويسرقوا عمرها هي ليها حق علي نفسها وهما لازم يفهموا كدا لكن ميستغنوش عن حضنها ويسكنوا جواه بكل ادب واحترام

هعود ابني من صغره مهما كان عمره اصغر من اخواته او حتي اكبر ان اخواتك ليهم حق عليك تزورهم وتسأل عليهم مش ف المناسبات قد ما تسأل عليهم ف الايام العاديه وف اي محنه انت تكون حنبهم وسند ليهم من بعد ربنا
اختك امك وليها حق عندك مش صلة رحم والسلام
وان كمان بنات الناس مش لعبه وزي ما قولت اخواته هقولو زوجته تعاملها بما يرضي الله عاملها انك اخوها وصاحبها وصديقها وزوجها وباباها لان الزوج الحنون رزق وبيبان ف المحن وف كل شي تكون معاها سند وعون ليها وتشاركها كل شي ف يومها عشان تعيش سعيد وميستغنوش لحظه عنك وان يكون فيه احترام متبادل ينكم.

هعلم أخواته ان اخوكم ف منزله الاب وان كابرته بيه اوعو تصغروه قصاد الناس وان المناقشه بينكم تكون باحترام واللي يغلط يعتذر مش عيب ممنوع حد يتعصب ويقلب التربيزه ع الباقي ونجاريه ف الغلط وان ممنوع يطول بينكم الخصام
احنا هنتحاسب علي معاملتنا مع ولادنا ولازم مساواه وعدل بينهم عشان لما يكبروا هيكونو خلاص اتنشأئو علي قيم ومبادئ
والمبادئ مبتتجزءش
التأسيس من الصغر زي النقش ع الحجر
وان رأس مالنا اولادنا
وان برهم لينا خطوه من خطواتهم للجنه
اعملوا الخير قصاد اولادكم لاننا رايحين وهما هيكملوا من بعدكم
هكررها تاني الجزاء من جنس العمل
ازرعوا الخير فيهم هتلاقوه علشان لما حد يقابلهم ويتعامل معاهم يدعوا للي ربوهم بكل خير
حصاد كفاحكم مع اولادكم لازم هتلاقوه وان رحلنا

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: