سر الطبخة

طاجن الأرز المعمر وصنية البطاطس مع دبابيس الدجاج المشوية

من مطبخ الشيف سماح عطية

 

طاجن الرز المعمر وصنية البطاطس مع دبابيس الدجاج المشوية
اولا طاجن الرز المعمر ولانة في ناس كتير مش بيظبط معاها انا هخليكي تعملي اجمل واطعم رز معمر والطعم وهمي اكيد

المقادير
٤ كوب رز مغسول مش منقوع
٤ كوب لبن كامل الدسم من عند اللبنان يعني ميكونش مبسطر
كوب زبادي
معلقتين سمن بلدي كبار
معلقة زيت لانها بتدي لمعة للرز
معلقة ملح كبيرة
معلقة سكر صغيرة

الطريقة
في طاجن هننزل بالرز وعلية اللبن السخن والملح والسكر ونقلب كويس ثم نضيف السمن والزيت ونقلب واخر حاجة كوب الزبادي المتقلب كويس ننزل بية علي الرز ونقلب كل المكونات مع بعض ونغطي الرز لمدة نصف ساعة وبعد نصف ساعة نولع الشواية علشان نعمل وش للرز وبعد كدة نطفي الشواية ونولع الفرن العادي علي درجة حرارة عالية لمدة ١٠ دقائق وبعد كدة علي ١٨٠ حوالي تلت ساعة وبالف هنا علي قلوبكم

الأرز المعمر
اما صنية البطاطس
كيلو بطاطس متقطعة شرائح
نصف كيلو طماطم متقطعة جوانح
بصلة متوسطة متقطعة اسليسي او ذي ماتحبي
فلفل الوان
ملح
معلقة فلفل اسود صغيرة
معلقة صغيرة بهارات الفراخ
معلقة سكر صغيرة
معلقة سمن كبيرة
زيت للقلي

الطريقة

نقلي شرائح البطاطس لحد مااحصل علي اللون الذهبي الفاتح وفايدة القلية انها بتحافظلي علي ان البطاطس ماتتهريش وبتدي طعم اجمل بكتيير من البطاطس النية

ثم في صنية بنزل بالبصل واضيف الملح والفلفل والبهارات والسكر واقلب ثم اضيف الطماطم والفلفل واقلب واخر حاجة شرائح البطاطس واقلب براحة واضيف السمن وكوبيين من الشربة سواء شوربة لحمة او فراخ وادخلها الفرن نصف ساعة

اما الدبابيس المشوية
كيلو دبابيس
مية بصلة مفرومة المية فقط
معلقة صوص الشواء
ملح
نصف معلقة فلفل اسود
نصف معلقة بهارات الفراخ
معلقة صويا صوص
معلقة زيت زيتون
معلقة عصير ليمون
معلقة صغيرة مستردة
معلقة زبادي
معلقة ببريكا مدخنة
رشة زعتر

الطريقة

بنقلب كل المكونات مع بعض وننزل بيها علي الدبابيس وندخلها التلاجة ساعة وبعد كدة بنولع فحماية ونضعها في نصف الصنية وننزل عليها بمعلقة زيت ونغطيها ١٠ دقائق بعد كدة نشيل الفحمايةو ندخلها الفرن نصف ساعة علي درجة حرارة ١٨٠ وبالف هنا علي قلوبكم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: