شعر وحكاياتعام

أرزاق

بقلم.نادية إسماعيل
كل حاجة فى الدنيا رزق الأب والأم رزق 
الاخ و الأخت رزق الزوج و الزوجه رزق 
الابن و الابنة رزق انت نفسك رزق اه والله 
الصحه راحه البال السعادة المال و البنون 
العلم و العمل الذكاء الفهم الجمال القبول
كل دى أرزاق من عند ربنا بس مفيش حد 
فى الكون كله يملك كل هذه الأرزاق بمفرده
الأرزاق دى كلها موجوده بس مقسمه بما
يرضى الله على جميع البشر بالتساوى
بس احنا مش واخدين بالنا منها دايما 
بنبص على إللى عند غيرنا ونقول اشمعنا
مش عندى انا فى الوقت اللى يكون عندك 
إللى يتمناه غيرك زى الصحه مثلا أو العيال 
او راحه البال او السعاده و غيره وغيره 
مفيش حد كامل على فكره و اكيد ربنا 
سبحانه وتعالى له حكمه فى كدا
الحقيقه ان مفيش حد فى الدنيا خالى من 
الهموم و الوجع و المشاكل و الحرمان و التعب 
والألم بس إللى بيفرق ما بين كل واحد والتانى
هو ان فى حد راضى و بيقول الحمد لله
على كل شيء وكل حال 
وحد تانى دايما معترض و بيقول ليه و اشمعنا انا 
طيب عندك استعداد تتحرم من نعمه الأبناء 
او تفقد صحتك او تسلب سعادتك او راحه بالك منك مقابل انك تكون مليونير بس بدون صحه و أبناء
و راحه بال ؟!
اعتقد ان أغلبنا عايز ياخد كل حاجه من غير ما يفقد 
او يضحى بأى حاجه .

دايما شايفين الجانب الحلو بس فى حيات غيركوا 
بس فى الحقيقه ان كل واحد فينا عايش فى الدنيا فيه إللى مكفيه و بزيادة 
ياريت كل واحد فينا ما يبصش للحاجه إللى عند
غيره او فى ايد غيره انت متعلمش ربنا خد منه ايه 
و عوضه بالحاجه دى.
أرضى بما قسمه الله لك و قول الحمد لله
مش يمكن تكون انت احسن من غيرك كتير 
فى كل الحالات اشكر ربنا على كل نعمه عندك
قال الله تعالى فى كتابه الكريم
بسم الله الرحمن الرحيم
وإن شكرتم لإذيدنكم 
صدق الله العظيم .

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock