عاممقالات

إحساس مُربك وغير مريح

إحساس مُربك وغير مريح

اكتر إحساس مُربك وغير مريح هو إنك تدخل مرحلة إنك مش فاهم نفسك، مش عارف إن كنت سعيد ولا حزين، هادئ ولا متوتر ولا عصبي… راضي عن اللي وصلتله ولا غير راضي، مش عارف عاوز إيه ومش عارف إيه يسعدك. 

موجود مع الناس اللي حواليك بس مش معاهم، بتسمع كلامهم بس مش سامع حاجه، بتشوفهم بس مش شايف حاجه ولا حاسسهم. 

دي حالة اللاشئ واللا وجود، بتدور على الراحة مش لاقيها بالرغم إن فيه حاجات كتير حواليك تبعث عالراحه والسعاده لكن مش حاسسها. 
وكأنك مجرد خيال بيتحرك ويتكلم لكن مش ملموس لنفسك. 
بتفكر كتير و كتير وكتير في حاجات مهمه أو مش مهمه، بتستهلك طاقتك واحاسيسك في لا شئ كالشمعه المحترقه التي تضئ للأخرين لكنها تحترق وتذوب ولا تستطيع إنقاذ نفسها ولا أحد يشعر بألم احتراقها…….. ممكن تكون لخبطة مجهولة الأسباب….. عقل مشوش…… فكر مرتبك بيفكر صح للغير إنما لنفسه مش قادر يرتب أفكاره ومليان كلام عكس بعضه ومش قادر يركز في حاجة واحدة مفيدة. 
وقلب ?مرتبك المشاعر مش عارف إن كان لسه بيحس ولا لأ، قلب بقى قاسي مع حاجات كان ضعيف قدامها كتير…. وبقي ضعيف مع حاجات عمره ما كان شايفها. 
ساعات بيتوجع ?من غير سبب مقنع وكتير بيتوجع بأسباب قويه…. ساعات بيبكي قهرا وساعات تانيه بيكون مطمئن. 
حاله إنه ما بقاش فيه إحساس أو عاطفه تجاه أي حاجة سواء إيجابية أو سلبيه.. مش عارف إن كان لسه بيحب ولا لأ. 
حالة من الجمود أو البرود أو الفصلان…… حاسس بالوحده بالرغم من وجود كل اللي بيحبوك حواليك. 
حاله بتلاقي نفسك فيها ما بقيتش تعمل الحاجات اللي كنت بتحبها أو الحاجات اللي بتريحك نفسيا. 
حتى الطموح ما بقاش موجود ولو حتى قراءة كتاب، حاله إنك واقف تتفرج على كل حاجة وهي بتدور حواليك….. واقف في منطقه رمادية…. محاط بضباب كثيف من جميع الاتجاهات….. عمرك بيعدي وأنت واقف ساكن مكانك، ومش قادر تاخد خطوة واحدة بس للخروج من الحالة دي.

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock