جمعية سحر الحياةشعر وحكايات

الشاعر الشاب حسام جمال يهدي قصيدة لجمعية سحر الحياة

الشاعر الشاب حسام جمال يهدي قصيدة بالعامية لجمعية سحر الحياة ولأبطال السرطان

متابعة : حاتم عبد الحكيم

اسمه السرطان يا صاحبى
و يكفى بأنه ..
اسمه السرطان
ملعون خبيث عنيد ..
بيعسكر بلؤم شديد !
بين خلايا الجسد
يا حضرة جناب المحارب
أنت مش مريض ✋🏻
ده اختبار طويل من ربنا
و فى كل ذرة صبر أكيد
ربك شايفك أحسن مننا
ده من حبه ربه ابتلاه ..
توجعنا احنا قولت اااه
لما تبقى طالع بتعب منك ..
تبنى فى جنته بيتك
و تهون علينا كلمة حياة
صبر أيوب في معناه
كأن ربنا قاله اصطفيتك
من بين خلقى حباتك ❤️
فى ظنى البسيط
يبدو لي السرطان كأنه ..
بارود حويط محطوط
على جراح الأحبه
صوت الصراخ يؤلمنى
و أسألوا عنه الأطبه
أكتر حد يقول الحقيقة
كل اللى عايش تجربة
الدنيا بحالها زي دقيقة
و كل أحداثها متسربة !
تحية لكل محارب
بيحارب عدوه بسلام
و عدوه مستقصده بالعامد
و لسه الجدع صامد !
ازاى بنشوف فى عنيك
كل ألوان البراح ..
و تقول خلاص هانت
تعظيم سلام لجنود المعركة
بسلاح الصبر ضد الخبيث
الرحمة ع كل وردة دبلت
أو راح غالى فارق عريس
نتعلم منكم معنى الصبر
و ازاى نعيش العمر
و ازاى يكون بكره متشاف
شكل الازاز شفاف ..
عند أول جرعه كيماوى
طعم الوجع صبار
و طعم الصبر بالجنة
و شكل الأمل فى الله إصرار
ع إن بكره هيخف و يتهنا
و بشر الصابرين منا ❤
و لو كان وجعهم وجعنا ✋🏻
لكل محارب سرطان
ع وجه البسيطة
كل تعبكم يتعبنا
و كل كلامكم يعلمنا
فى صبركم درس يفهمنا
إن الإرادة كما الحرب
يا تخرج منها منتصر
و إياك تكون منكسر
وقت الوجع و الضرب
تزداد الصلة برب العباد
فيردنا أقوى ..
حبل العشم فى الله متصل
مدام الظن خير هنقوى 💪🏻

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: