شعر وحكايات

قلب أمك رحمة

قلب أمك رحمة

شعر /سعاد سعد

بسطالك يا محمد كفي

لاجل تعدى عليه وتدوس

ف زمنا الكف محير مش هيكفي

ضلوعي عشانك سهم وقوس

قلب امك رحمة

وزاد زوادك كتفي

وإن عزك مال ف الزحمة

أنا روحى عشانك مال هتوفي

با امايا الدنيا دي مال واحوال

نشحنها بعملة وسلفي ساعات

واقفة لنا بالمرصاد لا هى غنوة ولاموال

بتاخد ما بتديش وانا نفسى أعيش والحلم اهو فات

شيلاك ف النني وما بنمشي

لا سين ولا صاد اتمنى وعيش وما تسألشي

إوعي تخاف الحلم يطيش ..العالم مليان اضاد

وف عز البرد يغطيك رمشي

شيلاك على ضهري .. ف يوم هتشلني

بعز عزيمتك وعزيمتي دوس هتعدي

يأسك بيزود قهري مجفف نهري .. هات إيدك عيني

واوعى تبص وراك تضعف وتهدي

وإن كان على خط العمر

ما يلزمنيش

هاوصل به عمرك ..

لساني هاعيش

ما انا عشت زمان ..

وما عشتش

ونضرت كتير ..

والفرح ما شفتش

سويني بتراب الارض

وما تزعلش عليا

يا ضنايا نجاحك فرض

يا أملي يا عز ما ليا

قلب امك شمس حارسك لا تضل

ما تخفش يا ولدي إن زمنك حط

عافر …. لو قلبوا شموسك ضل

قلب امك مأوى ومرسي وشط

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: