صحتك بالدنيا

ما سر انتشار الجلطات القلبية المؤدية للموت بين الشباب في هذه الأيام؟؟

جميعا نسمع أخبار وفاة شباب يومياً بأزمات قلبية رغم اننا نعرف ان الازمة القلبية تصيب الكبار أكثر .. فما السبب ؟

بالبداية لازم نتعرف ما هي أسباب الأزمة القلبية الشائعة عموماً ؟

أولاً : عوامل قابلة للتعديل:

١. ارتفاع الضغط

٢. الداء السكري

٣. الكحول المفرط

٤. التدخين

٥. ارتفاع الشحوم

٦. البدانة والحياة الخاملة

ثانياً: عوامل غير قابلة للتعديل:

١. التقدم بالعمر:

فكلنا معرضين لتضيق الشرايين القلبية بعد عمر ٥٥.

٢. القصة العائلية لمرض قلبي مبكر مثلاً وجود أزمات قلبية عند الأخ أو الأب بعمر الشباب وهي الحالة بتنبهنا لموضوع فرط الشحوم العائلي وهوو نادر كتير بصراحة.

معظم أسباب احتشاء العضلة القلبية [95%] تنجم عن تشكل خثرة ضمن الشريان الإكليلي وهذه الخثرة لا تتشكل  على أرضية سليمة وإنما على شريان ممتلئ بالشحوم !!

قد يهمك لماذا أشعر بنغزة في القلب رغم تأكيد الفحوصات والأطباء أن قلبي سليم ؟!

 ما سبب الأزمات بعمر مبكر؟؟

نمط الحياة تغير كثيرا عن السابق

مثلاً: وجود السيارة   قلل من  المشي وبالتالي خمول بنشاط الجسم وحركته و التقليل من حرق الدهون بالجسم

مثال ثاني: وجود مطاعم الشاورما والأكل الغربي والبطاطا تشيز والبرجر   والأكل المشبع بالدسم  .. جميعها  تعمل على تراكم الشحوم بسرعة ضمن شرايين القلب ويزيد فرصة حدوث أزمة قلبية.

مثال ثالت: عادة متواجدة  للاسف 90% من زملائي الاطباء بيعملوها  هي نفس الأركيلة !! نعرف جميعا انه فيها استنشاق للغاز السام للرئتين وضرر

مثال رابع و من قلب الواقع وهو عامل مهم!!!

الزعل والتوتر بحكم ظروفنا الحالية والواحد حامل فوق همو وزيادة!!

د.أمية جنود ” ما هي عملية تصليب القرنية و دواعي الخضوع لهذه العملية ؟؟

المغنزيوم والأزمات القلبية

الزعل والتوتر بيرفع مادة الأدرينالين بالجسم يللي بتسرع القلب وبتستهلك طاقته وبتقبض الأوعية بالجسم بترفع الضغط وبتسرع تراكم الشحوم بالأوعية!!

في أحد المرات أتاني  مريض عمره ٦٠ سنة عم يبكي بالإسعاف .. أول ما اجاني فكرتو عم يتمارض ومبين عليه زعلان من شي.. قربت سألت ابنه شبو العم؟ قلي مطلق أمي من شوي … زعلت عليه واحترمت عمرو وقلت منعملو تخطيط قلب ولو اني كنت واثق انو الزلمة بس زعلان مالو مريض .. وإلا بتفاجئ انو عندو جلطة بقلبه بعد هالزعلة

وبهذه الطريقة نفهم كلنا أن الاسباب اذا وقفناها .. اكيد رح تتراجع نسبة حدوث السكتات القلبية

نقطة أخيرة:

حوالي [5%] من الازمات القلبية تحدث نتيجة أسباب اخرى غير الخثرة .. مثل التشوه الخلقي بشرايين القلب أو وجود الجسر العضلي ضمن الشريان القلبي أو التهاب الأوعية الإكليلية.

نذكر أنّ السكتات هنا تتظاهر عند الشباب خصوصاً

كل الأمنيات للجميع بدوام عافية القلب والجسم

كان معكم د. سومر شلبي

Somar Shalab

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock
%d مدونون معجبون بهذه: