بقلم بيشوى مجدى
لما انتى مش أد الغياب
دوستى ليه شيفت و ديليت
لما دوقتى حضن غيرى
من حياتك إتنسيت
و أما زاد الشوك ف روحك
قُمت ف عيونك حِليت
لو عايزانى بجد حقيقى
كنت هسكن ديسك توبك
سبتينى ليه ف start menu
ولا عشان مجنون بحُبك
لو تبصى جوه قلبى
جوه منى هتلقى نور
وانتى عشان بتحبى الضلمه
دوستى Alt و إف فور
بعد منك كنت خالى
من جميع الاحساسات
كان ساعتها قلبى بايظ
من جميع الفيروسات
و اما فُقت من فراقك
عشت عادى و اختفيت
و إشيتاقك لما جائك
قُمت ف عيونك حِــليت
لما انتى مش أد الغياب
دوستى ليه shift و delete
