شعر وحكاياتعام

الكلمة


 

 
بقلم : طارق العمري الكلمة وحى من الإله
الكلمة كات هيا البداية
و كاف و نون أمر إبتداه
الرب صار الأمر آية
مخلوق أطاع مخلوق عصى
و سَلَك طريق شر و غواية
الكلمة مضمون صفحتك
و يا تفرِحك يا هاتحبِطك
سطرين ف خواتيم الرواية
الكلمة فاصل بين حاجات
الحق أو كذب و وشاية
حسس على كل الحروف
الكلمة دعوة أنبيا
إنطق بحق ف وسط خوف
إوعاك تطاوع أغبيا
دى الكلمة تسبيح ف السجود
و الكلمة أصلاً تلبية
الكلمة كون مالهوش حدود
الكلمة ستر و أغطية
إمسك لسانك يحفظك
دى الكلمة كات هيا البداية
الكلمة تعبر أي سور
الكلمة نور
الكلمة سر من اﻹله
إياك ف مرة تقولها زور
الكلمة لو نفهمها صح
دى سيف
و محطوط ع النحور
الكلمة إنت بدون رتوش
خليك بشوش
و إرسم كﻻمك بسمة
تفرح ع الوشوش
وسط الحضور
الكلمة نبتة بتبتدى
و تشق صخر ف أرض بور
الكلمة بتهد السجون
الكلمة تعبر أى سور
مدير قسم الأدب و الشعر
علا السنجري

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock