مقدمة من / سلوى نبيل
وقت التحضير / 15 دقيقة
وقت الطهي 20 دقيقة لكل طبق
المقادير.
سمك مرجان حجم وسط وممكن سمك فيليه
ذبده نوع كويس اوي
معلقه شبت مفروم
٤ فصوص توم مفرومين
نقطتين ليمون
ملح وفلفل
الطريقه :
– في طاسه تيفال او اي نوع غير قابل للالتصاق نسيح ٣ معالق ذبده ونحط السمك من غير اي تتبيله نشوح السمك و نقلبه ونشوح الوش التاني
– نراعي اننا نقلب السمك مره واحده بس
– نزود عليه ملح وفلفل بسيط. نغطي عليه علشان يكمل سوا مده ١٠ دقايق.
– نشيل السمك من الطاسه ونسيح مكانه معلقتين ذبده ونحط التوم المفروم تقلبتين بس من غير لونه ما يغير نحط الشبت ونقطتين الليمون ونذود ربع كوب ميه ونملح الصوص بالملح والفلفل
– في كوبايه نحط معلقتين ميه عليهم نص معلقه نشا وندوبهم ونحطهم على التوم والشبت عشان نخلي قوام الصوص تقيل شويه .
– نسلق بطاطس وجزر ونرصهم في طبق التقديم ونضيف الصوص قبل التقديم مباشره .
السمك المقلي :
كلنا عارفين الطريقه بس حقولها يمكن يكون في حد لسه بيتعلم
المقادير :
سمك
توم …وفلفل اخضر… ليمون …ملح …فلفل …كمون ….بهارات سمك …..شطه …..نقطتين خل
الطريقة :
– في الكبه حنحط (توم …وفلفل اخضر… ليمون …ملح …فلفل …كمون ….بهارات سمك …..شطه …..نقطتين خل )
نضربهم كويس اوي ونتبل السمك
– نحطه في الدقيق ومن الدقيق على الزيت علطول .
الكابوريا :
المقادير :
كابوريا
بصل
توم
فلفل أخضر
ليمون
كمون
ملح
فلفل
الطريقة :
– نقطع كل حاجه على بعض ونحط الكابوريا في الصنيه او الحله ونولع النار مده ١٠ دقايق مش بتاخد وقت كتير على النار .
الف هنا على قلوبكم يارب
مدير مطبخ سحر الحياة / نيفين منصور
