بقلم:معوض الطحان
حكاوي قديمه
وطول انتظار
وعمرى الي ماشي
وناسي النهار
دروب مش شايفها
واصوات عارفها
تفارق الحياه
عتاب السنين
وهمس وأنين
لبكره الي تاه
ولوم الصبايا
ولف الملايا
وعشق الحياه
وبسمة صباحك
تتوه في جراحك
ويسكت غناه
وبكره يخاصمنا
وبيقوم هاجرنا
وما نقولش اه
واسكن فى وادى
واصبح احادى
غريب فى فلاه
غريب فى بلادى
واصرخ وانادى
ده حقى الحياه
وبكره يزاولنى
يقول مش فاكرنى
وضايع مداه
واصرخ فى خوفو
يموت جوه خوفه
وعذره معاه
فى مركب كبيره
لشمس الشموس
واحمس وراه
بيضرب كفوفه
ويصنع بخوفه
سفينة النجاه
ويصرخ يا ابنى
يا اعظم ولادى
امانة تاريخك
بدايته انت (( حر ))
هتقدر تقوم
وقد الهموم
هتكتب كلامك
وهتعيش سلامك
يا اصل الوجود
ونور الحياة
مدير قسم الأدب و الشعر
علا السنجري
