لكل ادم مقبل علي الارتباط بشريكة حياته دي مجموعة نصايح يمكن تفيدك لبناء حياه سعيده
1– اول حاجه المظهر
وكمان تغير اللوك ده حاجة اساسية وضرورية جدا يعنى دايما حاول يكون في تغيير
غير شكلك مرة واتنين و3 ايه يعنى يبقى المرة دي مش حلو المر الجايه هيكون احلي واكيد لو معجبش انهرده هيعجب بكره الازواق بتختلف
مهم جدا انك تكون كاوى هدومك كويس ومظبط نفسك
2-الشخصية
اكتر حاجة بتشد حواء لادم طريقة كلامه ونظرته للامور يعنى خليك عاقل و فكر فى كلامك كويس قبل ما تقوله عشان ممكن تطلع منك كلمة ممكن متلفتش نظرك تلفت نظرها هى
الخوف
اوعى فى يوم تغلط وتقول انك خايف من حاجة عشان دى ضدك على طول مع ان الخوف ده غريزة وحاجة طبيعية بس ماعلينا
3- الهزار
الهزار بشكل دايم بيقلل الاحترام او بيقلل الاهتمام يعنى الهزار ليه وقته والجد ليه وقته
تعالي اقولك اكتر حاجة تحبها البنت
الكلمة الحلوة يعنى على قد ماتقدر اتكلم حلو حتى لو عارفة انك بكاش بس هتنبسط بالكلمة
الحلوة الكلمة الطيبه صدقه
4-الاهتمام
يعنى شريكتك بتحب اللى يهتم بيها حتى لو مش مبينة انها مهتمة بس من جواها بتبقى مهتمة اوى
واوعى فى يوم تقلل من شريكتك او تحاول تهينها او حتى تتريق عليها قدام حد عشان اكتر حاجة بتشيلها البنت كرامتها واللى يمسها ولو بهزار اكيد بتسيب اثر جواه سئ عمرو ما بيتنسي
